| e-texts navigator |
| Wylie |
115a1 ལགས་སམ། བཀའ་སྩལ་པ། རིགས་ཀྱི་བུ་ལེགས་སོ་ལེགས་སོ།། ཁྱོད་ཀྱིས་ངའི་དགོངས་པ་རིག་སྟེ། དམ་པའི་ཆོས་བསྲུང་བས་ནི་དེ་ལྟར་བ་དགོངས་སོ།།
115a2 རིགས་ཀྱི་བུང་ཕྱིན་ཆད་ངའི་ཉན་ཐོས་རྣམས་ཤ་ཟ་བར་མི་གནང་ངོ་།། ཡུལ་འཁོར་གྱི་བསོད་སྙོམས་ནི་བུའི་ཤ་དང་འདྲའོ་ཞེས་བྱ་ན། ཤ་བཟའ་བར་ངས་ཇི་ལྟར་གནང་། ཤ་ཟོ་བ་ནི་བྱམས་པ་ཆེན་པོ
115a3 ཆད་པར་འགྱུར་རོ་ཞེས་ངས་བསྟན་ཏོ།། གསོལ་པ། བཅོམ་ལྡན་འདས་འོ་ན་ཇི་ལྟར་མུ་གསུམ་ཡོངས་སུ་དག་པའི་ཤ་བཟའ་བར་གནང་བ་ལགས། བཀའ་སྩལ་པ། མུ་གསུམ་ཡོངས་སུ་དག
115a4 པ་འདི་ནི། ངས་རིམས་ཀྱིས་བསླབ་པའི་གཞི་བསྡམ་པའི་ཕྱིར་དེང་ངེས་བོར་རོ།། གསོལ་པ། བཅོམ་ལྡན་འདས་ཅི་ལས་དགོངས་ཏེ། དོན་ཆེད་ཀྱི་མུ་དགུ་དང་། ཤ་རྣམ་པ་བཅུ་སྤང་བ་བཀའ
115a5 སྩལ་ལགས། བཀའ་སྩལ་པ། ཚིག་བཞག་པ་དེ་དག་ཀྱང་། ཤ་མི་བཟའ་བར་བསྡམས་པའི་ཕྱིར་བཅད་དོ།། གསོལ་པ། བཅོམ་ལྡན་འདས་ཅི་ལས་དགོངས་ཏེ། ཤ་དང་ཉ་ཤ་བཟའ་བའང
115a6 ཁ་ཟས་བཟང་པོར་གསུངས་ལགས། བཀའ་སྩལ་པ། ངས་ནི་ཤ་དང་ཉ་ཤ་ཁ་ཟས་བཟང་པོར་མ་གསུངས་ཀྱི། ངས་ནི་བུ་རམ་ཤིང་དང་། འབྲས་སཱ་ལུ་དང་། འབྲུ་དང་། གྲོ་དང་། ནས་དང
115a7 སྲན་སྡེའུ་དང་། སྲན་གྲེའུ་རྣམས་དང་། མངར་བག་ཀར་དང་། ལི་ཀར་དང་། སྦྲང་རྩི་དང་། མར་དང་། འོ་མ་དང་། འབྲུ་མར་རྣམས་ཁམས་བཟང་པོར་གསུངས་སོ།། ངས་ནི་ལུས་གཡོག་པའི།
iiif viewer powered by OpenSeadragon
