| e-texts navigator |
| Wylie |
114a1 རྣམས་པ་པར་འགྱུར་རོ།། ཆེ་ཞེ་གཞན་ཡང་དཔེར་ན་ཁྱོད་གཞན་གྱིས་བོས་སམ། གཞན་གྱིས་གཙུག་ཕུད་བཅའ་བའི་ཕྱིར་གྲོང་གཞན་དུ་འགྲོ་བར་འདོད་ན། བུ་ངན་པ
114a2 རྣམས་བོར་ཏེ། བུ་བཟང་པོ་རྣམས་བླངས་ནས། གཏེར་གསང་བ་རྣམས་སྟོན་པར་བྱེད་དམ། བཅོམ་ལྡན་འདས་དེ་ནི་བཀའ་མད་དེ། བུ་དྲན་པ་ཚུལ་མ་མཆིས་པ།། ནོར་གྱི་སྐལ་པ་ཅན་མ་ལག
114a3 པ། དེ་དག་ལ་ནི་བདག་ནོར་སྟོན་པར་མི་བགྱིད་ལགས་ཀྱི། བདག་ནི་བུ་བཟང་པོ་ཁྱིམ་སོ་ཟིན་པ། ཁྱིམ་གྱི་དོན་གྲུབ་པ། རྫས་བསྟན་པར་འོས་པ། དེ་དག་ལ་སྟོན་པར་བགྱིད་ལགས་སོ།།
114a4 བཀའ་སྩལ་པ། ཆེ་ཞེ་དེ་བཞིན་དུ་གང་གི་ཚེ་ཡོངས་སུ་མྱ་ངན་ལས་འདས་པ་ཆེན་པོར་འགྲོ་བའི་བྱ་བ་བྱེད་པ་དེའི་ཚེ། དེ་བཞིན་གཤེགས་པ་གསང་བ་སྣ་ཚོགས་ཀྱི་དགོངས་པའི་ཚིག་མ་ལུས་པར
114a5 ཉན་ཐོས་རྣམས་ལ་སྟོན་ཏོ།། དེར་སྲས་རྣམས་ལ་དད་པ་སྦྱིན་པར་མཛད་དོ།། ཆེ་ཞེ་དཔེར་ན་ཁྱོད་བྱོས་སུ་སོང་བན་བུ་ངན་པ་རྣམས་ཁྱོད་མ་ཤི་བར་ཤིའི་སྙིམ་དུ་སེམས་སམ། བཅོམ་ལྡན་འདས་དེ
114a6 ནི་བཀའ་མད་དོ།། བཀའ་སྩལ་པ། དེ་ནས་ཁྱོད་ཕྱིར་འོངས་པ་དེ་དག་གིས་མཐོང་བ་དེ་བཞིན་དུ། ཆེ་ཞེ་ང་ལ་མི་རྟག་གོ་སྙམ་དུ་འདུ་ཤེས་མ་བྱེད་ཅིག། དེང་དེ་བཞིན་གཤེགས་པ་ཡོངས་སུ་མྱ་ངན
114a7 ལས་འདའ་བར་འགྱུར་རོ་ཞེས། ཤི་བའི་འདུ་ཤེས་བཞིན་དུ་དེ་ལྟར་མ་འཛིན་ཅིག། གང་དག་རྟག་ཏུ་དེ་བཞིན་གཤེགས་པ་རྟག་པ་དང་། བརྟན་པ་དང་། ཐེར་ཟུག་པའོ་སྙམ་དུ་འཛིན་པ་དེ་དག་གི།
iiif viewer powered by OpenSeadragon
