| e-texts navigator |
| Wylie |
113a1 འོངས་ནས། ཕྱོགས་གཅིག་ཏུ་འདུག་སྟེ། སེམས་ཤིང་འདུག་གོ།། དེ་ནས་བཅོམ་ལྡན་འདས་ཀྱིས། དེའི་བསམ་པ་ཐུགས་སུ་ཆུད་ནས་ཆོས་སྟོན་པར་མཛད་དེ། དཔེར་ན་བུད་མེད།
113a2 བུ་ལ་བྱམས་པའི་ཐབས་མཁས་པས། ཇི་ཙམ་འཇུ་ནུས་པའི་དྲོད་ཤེས་ནས། རང་གི་མཛུབ་མོའི་ཐོར་ཏོས་བདག་གི་བུ་ཆུང་ངུ་མར་ལྡག་ཏུ་བཅུག་པ་བཞིན་ནོ་ཞེས་གསུངས་སོ།། དེ་ནས
113a3 བུད་མེད་དེས་འདི་སྐད་ཅེས་གསོལ་ཏོ།། ཀྱེ་མ་བཅོམ་ལྡན་འདས་ཀྱིས་ནི་བདག་གི་སེམས་ཀྱི་རྟོག་པ་ཐུགས་སུ་ཆུད་ན། ལྷག་ཆད་མེད་པར་བཀའ་སྩལ་ཏེ། བདག་སློབ་ཏུ་སྤྲུལ་བ་ཁོ་ན་བཞིན་ལགས
113a4 སོ།། བཅོམ་ལྡན་འདས་བདག་གིས་དེང་བྱིས་པ་ལ་མཛུབ་མོའི་ཐོར་ཏོར་ཆབ་མར་སྤྲུལ་པ་དྲགས་པར་གྱུར་ཏེ། དེས་ན་འདི་མ་ཞུ་བར་གྱུར་ལགས་སོ།། བཅོམ་ལྡན་འདས་ཅི་ལེགས། བདག་གི་ཁྱེའུ
113a5 འདི་ཚེ་རིང་བར་འགྱུར་རམ། འོན་ཏེ་ཐུང་བར་འགྱུར་བ་བཅོམ་ལྡན་འདས་དེ་བཞིན་གཤེགས་པས་བསྟན་དུ་གསོལ། བཀའ་སྩལ་པ། ཁྱེད་ཀྱི་བུ་ནི་བདེ་བ་དང་ལྡན་ཞིང་།། ཚེ་རིང་བར་འགྱུར་རོ།། དེ་ནས།
113a6 བུད་མེད་དེ་མགུ་བར་གྱུར་ནས། གསོལ་པ། ཁྱོད་ཀྱི་བདེན་པའི་ཚིག་གིས་བདག་ཤིན་ཏུ་མགུ་ལགས་སོ།། དེ་ལྟར་དེ་བཞིན་གཤེགས་པ་ནི་གདུལ་བར་བྱ་བའི་དབང་ལ་གཟིགས་ཤིང་། འཇུ་བ་དང་མི།
113a7 འཇུ་བའི་ཉམ་སྟོབས་དང་སྦྱར་ནས། ཆོས་ཐམས་ཅད་བདག་མེད་པ་དང་། སྡུག་བསྔལ་བའི་སྟོན་པ་མཛད་དོ།། གལ་ཏེ་བཅོམ་ལྡན་འདས་ཀྱིས་སྟོབས་ཀྱི་ཆུང་དང་མ་སྦྱར་བར་སེམས་ཅན་ནམས་ལ
iiif viewer powered by OpenSeadragon
