| e-texts navigator |
| Wylie |
103a1 ཚུན་ཆད་དང་ག་པ་མ་གཉིས་ལ། བཅོམ་ལྡན་འདས་ཆོས་དང་དགེ་འདུན་རྟག་གོ་ཞེས་བགྱི་བར་འཚལ་ལོ།། ཀྱེ་མ་སངས་རྒྱས་བཅོམ་ལྡན་འདས་ནི་བསམ་གྱིས་མི་ཁྱབ་པོ
103a2 ཞེས་ཀྱང་བསླབ་པར་འཚལ་ལོ།། གཞན་དག་ལའང་བསྟན་པར་འཚལ་ལོ།། གང་དག་བདག་གིས་བསྟན་པ་ལྟར་མི་འཛིན་ཅིང་། མི་རྟག་པར་སྨྲ་བའི་སེམས་ཅན་ངན་པ་དེ་དག་ལ་ནི་བདག་གིས་སེར
103a3 བ་བཞིན་དུ་བགྱིའོ།། བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་ལེགས་སོ་ལེགས་སོ།། དམ་པའི་ཆོས་བསྲུང་བའི་རིགས་ཀྱི་བུས་ནི་དེ་ལྟར་བྱ་དགོས་ཏེ། རིགས་ཀྱི་བུ་ཁྱོད་ལེགས
103a4 སོ།། དེ་ལྟར་ན་འཚེ་བ་མེད་ལ་ཞུགས་པ་ཡིན་ཏེ། འཚེ་བ་མེད་པའི་ལས་ཀྱི་འབྲས་བུ་ཆེན་པོ་དེས་ན། བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཚའང་རིང་བར་འགྱུར་ལ།། ཚེ་རབས་ཀྱང་དྲན
103a5 པར་འགྱུར་རོ།། འཕགས་པ་ཡོངས་སུ་མྱ་ངན་ལས་འདས་པ་ཐེག་པ་ཆེན་པོ་མདོ་ལས་འཚེ་བ་མེད་པའི་ཕུང་པོའི་ལེའུ་སྟེ་དང་པོའོ།། །། རིགས་ཀྱི་བུ་ད་ནི་དེ་བཞིན་གཤེགས
103a6 པ་རྟག་པའི་སྐུ་དང་། མི་ཤིགས་པའི་སྐུ་དང་། རྡོ་རྗེའི་སྐུ་དང་། ཤའི་སྐུ་མ་ཡིན་པ་དང་། ཆོས་ཀྱི་སྐུར་ལྟོས་ཤིག། གསོལ་པ། གལ་ཏེ་དེ་བཞིན་གཤེགས་པ་ཡོངས་སུ་མྱ་ངན་ལས་འདའ་བར
103a7 མཛད་ན་ནིབདག་དེ་ལྟར་མི་ལྟ་ལགས་སོ།། གལ་ཏེ་ཡོངས་སུ་མྱ་ངན་ལས་འདའ་བར་གྱུར་ན། གཞིག་ཏུ་རུང་བའི་སྐུ་དང་། ཐལ་བའི་སྐུ་དང་། ཤའི་སྐུར་བལྟ་བར་འཚལ་ལོ།། བཀའ་སྩལ།
iiif viewer powered by OpenSeadragon
