| e-texts navigator |
| Wylie |
102a1 ཟེར་ཅིག། འདི་ནི་ཆོས་ཉིད་གཅོད་པ་ཡིན་ཏེ། རིགས་ཀྱི་བུ་དཔེར་ན་འདུ་ཤེས་མེད་པ་རྣམས་ལ་གཟུགས་ཀྱི་ཕུང་པོ་གཉིས་མེད་ན། སེམས་ཅན་དེ་དག་ཇི་ལྟར་གནས། ཇི་ལྟར
102a2 དགའ། ཇི་ལྟར་སྣང་།། དེ་དག་གི་འདུ་ཤེས་ཇི་ལྟར་འཇུག་ཅེས་འདྲི་བ་འདི་ནི།། སངས་རྒྱས་ཀྱི་ཡུལ་ཡིན་ནོ།། རིགས་ཀྱི་བུ་འདུ་ཤེས་མེད་པའི་ལྷ་རྣམས་ཀྱི་གཟུགས་དང་། གནས་དང་། སྤྱོད་ལམ་དང་།
102a3 བདེ་བ་རྣམས་ཇི་ལྟར་བསྟན་པར་བྱ་ཞེས། ཕྱིན་ཆད་དེ་སྐད་མ་འདྲི་ཞིག། འདི་ནི་ཉན་ཐོས་དང་རང་སངས་རྒྱས་ཀྱི་ཡུལ་མ་ཡིན་ཏེ། འདི་ནི་སངས་རྒྱས་ཀྱི་སྤྱོད་ཡུལ་ཡིན་ནོ།། རིགས་ཀྱི་བུ་དེ་ལྟར་ན་དེ་བཞིན
102a4 གཤེགས་པའི་སྐུ་ནི་སངས་རྒྱས་འབའ་ཞིག་གི་ཡུལ་ཡིན་གྱི། ཉན་ཐོས་དང་རང་སངས་རྒྱས་ཀྱི་ཡུལ་མ་ཡིན་ནོ།། དེ་བཞིན་གཤེགས་པ་གང་ན་གནས་པ་དང་། གང་ན་སྣང་བ་ནི་ཁྱོད་ཀྱི་ཡུལ་ཡང་མ
102a5 ཡིན་གྱིས། སངས་རྒྱས་བཅོམ་ལྡན་འདས་ནི་ཐབས་བསམ་གྱིས་མི་ཁྱབ་པའི་སྐུ་ཡིན་ནོ་སྙམ་དུ་ཁྱེད་ཀྱིས་གནས་པར་གྱིས་ཤིག། རིགས་ཀྱི་བུ་ཆོས་དང་དགེ་སློང་གི་དགེ་འདུན་ལའང་རྟོག་པའི་འདུ་ཤེས་ཡང
102a6 དང་ཡང་དུ་སྒོམ་པར་གྱིས་ཤིག། གཞི་གསུམ་ལ་ཐ་དད་པར་མ་བྱེད་ཅིག། མི་རྟག་པ་འམ། མ་བརྟན་པ་འམ། ཐེར་ཟུག་པ་མ་ཡིན་པ་འམ། ཞི་བ་མ་ཡིན་པ་འམ། ཐར་པ་མ་ཡིན་པའི་རྣམ་པར་ཡང་མ
102a7 སྒོམས་ཤིག། རིགས་ཀྱི་བུ་འམ། རིགས་ཀྱི་བུ་མོ་གང་དག་གསུམ་གྱི་བདག་ཉིད་ཆེན་པོ་ལ་དེ་ལྟར་མི་སྒོམ་པ་དེ་དག་སྐྱབས་སུ་འགྲོ་བ་ནི་དག་པ་ཡིན་ནོ་ཞེས་ང་ཟེར་རོ།། དེ་ལྟར་ན་རྟག་པ་བསྒོམ་པ་ན། བསམ
iiif viewer powered by OpenSeadragon
