| e-texts navigator |
| Wylie |
280a1 བྱཱབྱ། ངས་དྲི་བ་དྲིས་པ་དེ་དང་དོ་ལུང་བསྟན་པས། ཁྱོད་ཀྱི་སེམས་རངས་པར་བྱའོ།། དེ་སད་ཅེས་བཀའ་སྩལ་པ་དང་། བྱང་ཆུབ་སེམས་དཔ་བ་སེམས་དཔའ་ཆེན་པོ
280a2 ལྷའི་ཅོད་པན་གྱིས།། བཅོམ་ལྡན་འདས་ལ་ལེགས་སོ་ཞེས་གསོལ་ཏེ།། བཅོམ་ལྡན་འདས་ཀྱི་ལྟར་ཅན་ཅིང་། བཅོམ་ལྡན་འདས་ལ་འདི་སྐད་ཅེས་གསོལ་ཏོ།། བཅོམ་ལྡན་འདས་ཇི་ལྟར་ན་བྱང་ཆུབ
280a3 སེམས་དཔའ་སྤོབས་པ་སྣ་ཚོགས་ཀྱི་རྒྱན་དང་ལྡན་པ་རྣམས་ལགས།། ཇི་ལྟར་ན་བྱང་ཆུབ་སེམས་དཔའ་ཆོས་ཟབ་མོ་རྣམ་པར་ངེས་པ་ལ་འཇུག་པང་ཤེས་པ་ལ་མཁས་པ་རྣམས་ལགས་། ཇི་ལྟར་ན་བྱང
280a4 ཆུབ་སེམས་དཔའ་སེམས་ཅན་ཐམས་ཅད་ཀྱི་དབང་པོ་མཆོག་དང་། མཆོག་མ་ལགས་པ་ཤེས་པ་ལ་མཁས་པ་རྣམས་ལགས།། ཇི་ལྟར་ན་བྱང་ཆུབ་སེམས་དཔའ་སོ་སོ་ཅི་རིགས་པར་རོས་སྟོན་པ་ལ་མཁས
280a5 པ་རྣམས་ལགས།། ཇི་ལྟར་ན་བྱང་ཆུབ་སེམས་དཔའ་སེམས་ཅན་ཐམས་ཅད་ཀྱི་སེམས་ཀྱི་སྤྱོད་པ་ཤེས་པ་ལ་འཇུག་པ་ལ་མཁས་པ་རྣམས་ལེགས།། ཇི་ལྟར་ན་བྱང་ཆུབ་སེམས་དཔའ་རྒྱུ་དང་བྱ་བ་དང་།
280a6 ལས་ཀྱི་རྣམ་པར་སྨིན་པ་ལ་འཇུག་པ་ཤེས་པ་ལ་བརྗེད་པ་མ་མཆིས་པར་སྤྱོད་པ་རྣམས་ལགས། ཇི་ལྟར་ན་བྱང་ཆུབ་སེམས་དཔའ་སྦྱིན་པའི་རྒྱན་གྱིས་བརྒྱན་པ་རྣམས་ལགས།། ཇི་ལྟར་ན་བྱང
280a7 ཆུབ་སེམས་དཔའ་ཚུལ་ཁྲིམས་ཀྱི་རྒྱན་གྱིས་བརྒྱན་པ་རྣམས་ལགས། ཇི་ལྟར་ན་བྱང་ཆུབ་སེམས་དཔའ་བཟོད་པའི་རྒྱན་གྱིས་བརྒྱན་པ་རྣམས་ལགས།། ཇི་ལྟར་ན་བྱང་ཆུབ་སེམས་དཔའ
iiif viewer powered by OpenSeadragon
