| e-texts navigator |
| Wylie |
253b1 གང་ཡང་དེ་དག་བསམ་པ་རྣམས།། ལྷ་ཡི་གཙོ་བོ་ཀུན་མཁྱེན་འཛུམ་མཛད་འདི་ཡི་རྒྱུ་ནི་ལུང་བསྟན་གསོལ།། ཉན་ཐོས་རང་རྒྱལ་དགྲ་བཅོམ་དྲི་མེད་དེ་དག་གི་ཡང་སྤྱོད་ཡུལ་མིན།། སངས
253b2 རྒྱས་ཡེ་ཤེས་བསམ་མི་ཁྱབ་ཅིང་མཐའ་བྲལ་ཁྱོད་ལ་ཆགས་པ་མེད།། ཁྱོད་ཀྱིས་སེམས་ཅན་གཞན་གྱི་སྤྱོད་སེམས་གང་ལ་ཅི་འདྲའི་གཏམ་བརྗོད་མཁྱེན།། སྤུ་མཆོག་ཐུབ་དཀར་ཚིག་དབང
253b3 འཛུམ་པ་མཛད་པའི་རྒྱུ་ནི་བསྟན་པར་གསོལ།། བོད་འདི་ཤིན་ཏུ་ཡིད་འོང་སྡུག་པའི་དྲི་མེད་རབ་ཏུ་རྣམ་པར་མཛེས།། ཉི་ཟླའི་འོད་དང་དེ་བཞིན་ཚངས་པ་དབང་པོའི་གཟི་ཡང་ཟིལ་གྱིས་གནོན།།
253b4 དེ་བཞིན་ཁོར་ཡུག་ཁྲག་ཁྲིག་རི་རབ་དག་ཀྱང་ཤིན་ཏུ་སྣང་བགྱིས་ན།། ཅི་སླད་ཁྱོད་ཀྱིས་འཛུམ་མཛད་དེ་ཡི་རྒྱུ་ནི་རབ་ཏུ་བསྟན་པར་གསོལ།། འདོད་ཆགས་ཞེ་སྡང་དྲེགས་ལ་སོགས་པ་ཟུག
253b5 རྔུ་བྲལ་ཞིང་རབ་ཏུ་ཞི།། འཇིག་རྟེན་ལྷ་མི་ལྟོ་བ་ཕྱེའི་ཚོགས་བྱམས་བདག་པོ་ཁྱོད་ཞལ་ལྟ།། བདེ་གཤེགས་བལྟས་ཀྱང་མི་ངོམས་ལུས་ཀྱི་བ་ཏུ་སེམ་ཞིང་བདེ་བར་འགྱུར།། གང་གི་སླད་དུ
253b6 འཛུམ་པ་འདི་བསྟན་ཐུབ་པ་བདག་ཅག་རྣམས་ལ་གསུངས།། ཁྱོད་ཀྱིས་ཆོས་རྣམས་ནམ་མཁའ་ལྟ་བུར་རྟག་ཏུ་བྱེད་མེད་གསོག་ཉིད་དང་།། གློག་དང་སྤྲིན་འདྲ་སྒྱུ་མ་ལྟ་བུར་གསོབ་ཉིད་ལྦུ་བ་འདྲ
253b7 པབ་དང་།། རྨི་ལམ་མཐོང་དང་རང་པ་སྟོང་བདྲན་མ་མཁའ་ཆུ་ཟླ་ལྟ་བུར་མཁྱེན།། དགེ་བ་འཛུམ་མཛད་འདི་ཡི་རྒྱུ་དང་རྣར་སྙན་གསུང་ནི་རབ་ཏུ་བརྗོད་པར་གསོལ།། འཛིན་དང་རྟོག་དང་རྣམ་རྟོག
iiif viewer powered by OpenSeadragon
