| e-texts navigator |
| Wylie |
251a1 བྱ། རྣམ་པར་མི་རྟོག་གོ།། སྨྲས་པ། ལྔའི་བུ་སྔོན་མ་མཐོང་བ་མཐོང་བ་སུསྨྲས་པ། བྱིས་པ་སོ་སོའི་སྐྱེ་བོ་ཐམས་ཅད་ཀྱིས་ནི་འཕགས་པའི་ངེས་པར་འཇུག།
251a2 པ་སྔོན་མ་མཐོང་ངོ་།། ཚངས་པ་ནམ་ཡང་དག་པར་ངེས་པར་ཞུགས་པ་དེ་ན། སྔོན་མ་མཐོང་བ་མཐོང་ངོ་།། ངེས་པ་དེ་ནི་མིག་གི་རྣམ་པར་ཤེས་པས་ཤེས་པ་མ་ཡིན།། རྣ་བ་དང་།
251a3 སྣ་དང་། ལྕེ་དང་། ལུས་དང་། ཡིད་ཀྱི་རྣམ་པར་ཤེས་པས་ཤེས་པར་བྱ་བ་མ་ཡིན་ཏེ། དེ་བཞིན་ཉིད་ཇི་ལྟ་བ་དེ་བཞིན་དུ་བལྟ་བར་བྱའོ།། མིག་གི་དེ་བཞིན་ཉིད་ཇི་ལྟ་བ་དང་། རྣ་བའི
251a4 དེ་བཞིན་ཉིད་ཇི་ལྟ་བ་དང་།། སྣའི་དེ་བཞིན་ཉིད་ལྟེ་པ་དང་། ལྕེའི་དེ་བཞིན་ཉིད་ཇི་ལྟ་བ་དང་། ལུས་ཀྱི་དེ་བཞིན་ཇི་ལྟ་བ་དང་། ཡིད་ཀྱི་དེ་བཞིན་ཉིད་ཇི་ལྟ་བ་དེ་བཞིན་དུ་ལྟ་སྟེ། གང་དེ་ལྟར
251a5 མཐོང་བ་དེ་དགྲ་ནི་ཡང་དག་པར་མཐོང་བའོ།། དེ་ནས་བཅོམ་ལྡན་འདས་ལ། ལྷའི་དབང་པོ་བརྒྱ་བྱིན་གྱིས་འདི་སྐད་ཅེས་གསོལ་ཏོ།། བཅོམ་ལྡན་འདས་དེད་དཔོན་ནོར་བུ་རིན་པོ་ཆེའི་གླིང
251a6 དུ་ཕྱིན་པའི་མིག་སྔར་ནི་ནོར་བུ་རིན་པོ་ཆེ་འབའ་ཞིག་གདབའོ།། དེ་བཞིན་དུ་བཅོམ་ལྡན་འདས་སྐྱེས་བུ་དམ་པ་བསམ་གྱིས་མི་ཁྱབ་པའི་ཆོས་རིན་པོ་ཆེ་དང་ལྡན་པ་རྣམས་ཅི་དང་ཅི་སྤོབས་པ་དེ
251a7 དག་གིས་དེ་ཐམས་ཅད་ཆོས་རིན་པོ་དེ་ཉིད་དུ་སྤོབས་སོ།། དེ་ཉིད་ཡང་དག་པའི་མཐའ་ཡོངས་སུ་གསལ་བར་བགྱིད་པར་སྤོབས་སོ།། འདི་ལྟར་དེ་དག་ལ་བདག་ཏུ་མངོན་པར་ཆགས་པ་མ་མཆིས
iiif viewer powered by OpenSeadragon
