| e-texts navigator |
| Wylie |
250b1 ནན་ཏན་འདི་ལགས་ཏེ།། ལོག་པའི་ལམ་དུ་ཞུགས་པ་རྣམས་ནི་ནན་ཏན་གང་ཡང་མ་མཆིས་སོ།། ཡང་དག་པའི་ལམ་ལ་གནས་པ་རྣམས་ལ་ཆོས་ཀྱི་ནན་ཏན་མ་མཆིས་སོ།། ཡང་དག་པར་ཞུགས་པ
250b2 རྣམས་ལ་ནི་མི་མཉམ་པའི་ཆོས་གང་ཡང་མ་མཆིས་སོ།། དེ་ཅིའི་སླད་དུ་ཞེ་ན། བཅོམ་ལྡན་འདས་ཆོས་ཐམས་ཅད་ནི་མཉམ་པ་ཁྱད་པར་མ་མཆིས་པའོ།། དེ་ནས་ཚངས་པ་ཁྱད་པར་སེམས་ཀྱིས
250b3 ལྷའི་བུ་དེ་ལ་འདི་སྐད་ཅེས་སྨྲས་སོ།། ལྷའི་བུ་ཁྱོད་ནན་ཏན་འདི་ལ་ཞུགས་སམ། སྨྲས་པ། ཚངས་པ་གལ་ཏེ་བཅོམ་ལྡན་འདས་ཀྱི་ནན་ཏན་ལ་གཉིས་སུ་བཤད་པར་གྱུར་ན།། བདག་ཀྱང་ནན་ཏན
250b4 འདི་ལ་ནན་ཏན་དུ་བྱེད་དོ།། ནན་ཏན་འདི་ནི་གཉིས་སུ་མེད་པ་སྟེ། དེ་ལ་གང་ནན་ཏན་བྱེད་པ་དང་། གང་ལ་ནན་ཏན་བྱེད་པ་དེའང་མེད་དོ།། གང་ཡང་ནན་ཏན་དུ་བྱེད་པ་དེ་མེད་དེ། འོན་ཀྱང་ཚངས
250b5 པ་བདག་ནི་ལྷག་པར་མི་བྱེད་པ་དང་། སྒོ་མི་འདོགས་པའི་ཕྱིར་ནན་ཏན་འདི་ལ་ཞུགས་སོ།། ཆོས་ཉིད་ཇི་ལྟ་བར་ཆོས་ཀྱི་ནན་ཏན་ཡང་དེ་བཞིན་ཏེ། དེ་ནི་དེ་བཞིན་ཉིད་ལ་དེ་ལྟར་ཞུགས་ན་ཞུགས
250b6 པ་ཞེས་བྱའོ།། ཚངས་པས་སྨྲས་པ།། ལྷའི་བུ་ཁྱོད་སངས་རྒྱས་ཀྱི་ཞིང་འདི་ནི་སྔོན་ངས་མ་མཐོང་ངོ་།། སྨྲས་པ། ཚངས་པ་སངས་རྒྱས་ཀྱི་ཞིང་འདིས་ཀྱང་སྔོན་བདག་མ་མཐོང་ངོ་།། སྨྲས་པ།།
250b7 སངས་རྒྱས་ཀྱི་ཞིང་བདེ་ནི་བལྟའོ་ཞེང་མ། མི་བལྟའོ་ཞེས་རྟོག་པའམ། རྣམ་པར་རྟོག་པ་མེད་དོ།། སྨྲས་པ། ཚངས་པ་བདག་སྔོན་མཐོང་ངོ་ཞེའམ། སྔོན་མ་མཐོང་ངོ་ཞེས་བདག་ཀྱང་མི་རྟོག
iiif viewer powered by OpenSeadragon
