| e-texts navigator |
| Wylie |
250a1 ཏན་ནོ།། དེ་ཅིའི་ཕྱིར་ན། གང་ཆོས་རྣམས་ལ་ནན་ཏན་དུ་མི་བྱེད་དེ། དེ་ཆོས་ཐམས་ཅད་མི་བྱེད། རྣམ་པར་མི་བྱེད་དོ།། གང་མི་བྱེད། རྣམ་པར་མི་བྱེད་པ་བ་དི་ནི་ཆོས
250a2 ཀྱི་ནན་ཏན་ནོ།། གང་དགེ་བ་ལའང་མི་འཇུག། མི་དགེ་ལའང་མ་འཇུག་པ་འདི་ནི་ཆོས་ཀྱི་ནན་ཏན་ནོ།། དེ་བཞིན་དུ་བསྡུས་ཏེ་འཇིག་རྟེན་པ་ལ་མ་ཡིན།། འཇིག་རྟེན་ལས་འདས་པ་ལ་མ
250a3 ཡིན། ཟག་པ་དང་བཅས་པ་ལ་མ་ཡིན།། ཟག་པ་མེད་པ་ལ་མ་ཡིན། ཁ་ན་མ་ཐོ་བ་དང་བཅས་པ་ལ་མ་ཡིན། ཁ་ན་མ་ཐོ་བ་མེད་པ་ལམ་ཡིན།། འདུས་བྱས་ལ་མ་ཡིན།། འདུས་མ་བྱས་ལ་མ་ཡིན།།
250a4 འཁོར་བ་ལ་མ་ཡིན། མྱ་ངན་ལས་འདས་པ་ལ་མི་འཇུག་པ་འདི་ནི་ཆོས་ཀྱི་ནན་ཏན་ཞེས་བྱ་སྟེ། ཆོས་ཐམས་ཅད་ལ་ནན་ཏན་དུ་བྱ་བ་མེད་པ་འདི་ནི་ཆོས་ཀྱི་ནན་ཏན་ནོ།། ཆོས་སུ་འདུ་ཤེས
250a5 པ་ལ་ཆོས་ཀྱི་ནན་ཏན་མེད་དེ། ཆོས་འདི་ལ་ནན་ཏན་བྱའོ་ཞེས་སྤོ་བར་བྱེད།། ནན་ཏན་མི་བྱའོ་ཞེས་སྤྲོ་བར་བྱེད་ན་མ་ཞུགས་པའོ།། ཆོས་ཐམས་ཅད་ཀྱི་རྗེས་སུ་ཞུགས་པའི་ནན་ཏན་འདི་ནི་ཆོས
250a6 ཀྱི་ནན་ཏན་ནོ།། སྤྲོས་པ་མེད་པས་གཉེན་པོ་མེད་པ་ནི་ཆོས་ཀྱི་ནན་ཏན་ཞེས་བྱའོ།། དེ་ནས་བཅོམ་ལྡན་འདས་ལ། ལྷའི་བུ་ཕྱིར་མི་ལྡོག་པས་འདི་སྐད་ཅེས་གསོལ་ཏོ།། བཅོམ་ལྡན་པ
250a7 གང་ཡང་དག་པའི་ནན་ཏན་འདི་ལ་ཞུགས་པ་དང་། འཇུག་པར་འགྱུར་བ་དེ་དག་ལ་ཤིན་ཏུ་ལོག་པའི་ནན་ཏན་མ་མཆིས་སོ།། དེ་ཅིའི་སླད་དུ་ཞེ་ན། བཅོམ་ལྡན་འདས་ཤིན་ཏུ་ཡང་དག་པའི
iiif viewer powered by OpenSeadragon
