| e-texts navigator |
| Wylie |
246a1 ཇི་ལྟར་ན་ནམ་མཁའ་ལ་རྣམ་པ་གཞན་དུ་འགྱུར་བ་མེད་པ་དེ་བཞིན་དུ་། ཆོས་ཐམས་ཅད་ལའང་གཞན་དུ་འགྱུར་བ་མེད་དོ།། དེ་ནས་ཚངས་པ་ཁྱད་པར
246a2 སེམས་ཀྱིས་འཇམ་དཔལ་གཞོན་ནུར་གྱུར་པ་ལ་འདི་སྐད་ཅེས་སྨྲས་སོ།། འདི་ལྟར་ཆོས་འདི་དག་རབ་ཏུ་ཕྱེ་བ་ལས་ན།། དེ་བཞིན་གཤེགས་པ་ནི་བདེན་པར་གསུངས་པའོ།། སྨྲས་པ། ཚངས
246a3 པ་དེ་བཞིན་གཤེགས་པས་ནི་ཆོས་གང་ཡང་རབ་ཏུ་མ་བྱེའོ།། དེ་ཅིའི་ཕྱིར་ཞེ་ན། དེ་བཞིན་གཤེགས་པས་ཆོས་ཉིད་ཀྱང་མ་དམིགས་ན། གང་རབ་ཏུ་དབྱེ་བ་ལྟ་ཅི་སྨོས།། སྨྲས་པ། འཇམ
246a4 དཔལ་ཇི་ལྟར་དེ་བཞིན་གཤེགས་པས་ཆོས་འདི་དག་ནི་འདུས་བྱས་སོ།། ཆོས་འདི་དག་ནི་འདུས་མ་བྱས་སོ།། ཆོས་འདི་དག་ནི་འཇིག་རྟེན་དུའོ།། ཆོས་འདི་དག་ནི་འཇིག་རྟེན་ལས
246a5 འདས་པའོ།། ཞེས་ཆོས་རྣམས་རྣམ་པར་མི་མཁྱེན་ཏམ། སྨྲས་པ། ཚངས་པ་འདི་ཇི་སྙམ་དུ་སེམས།། སུས་ཀྱང་ནམ་མཁའ་འདི་རབ་ཏུ་ཕྱེ་བ་འམ། ཤེས་པར་གྱུར་པ་ཡོད་དམསྔས
246a6 པ་འཇམ་དཔལ་དེ་མ་ཡིན་ནོ།། འཇམ་དཔལ་གྱིས་སྨྲས་པ། གང་ནམ་མཁའ་ཞེས་བྱ་བ་དེ་སྐྱེ་བ་འམ། འགག་པར་འགྱུར་རམ། སྨྲས་པ།། དེ་མ་ཡིན་ནོ།། སྨྲས་པ། ཚུངས་པ་དེ
246a7 བཞིན་དུ་ཆོས་གང་ཡང་རུང་བའི་རྣམ་པར་རིག་པར་བྱེད་པ་དེའང་ནམ་མཁའི་རྣམ་པར་རིག་པར་བྱེད་པའོ།། ཆོས་ནི་སྐྱེ་བ་འམ། བགག་པར་མི་འགྱུར་ཏེ། ཆོས་ཐམས་ཅད་ཀྱི་རྣམ་པར
iiif viewer powered by OpenSeadragon
