| e-texts navigator |
| Wylie |
237b1 གྲོས་མི་ཟད་པ་ཞེས་བྱ་བར་གྱུར་ཏོ།། མཉམ་པར་གནས་པ་ཁྱོད་ཀྱང་དེའི་ཚེ་དེའི་དུས་ན་བྱང་ཆུབ་སེམས་དཔའ་ཁྱད་པར་བློ་གྲོས་ཞེས་བྱ་བར་གྱུར་ཏོ།། དེའི་ཚེ་དེའི་དུས་ན་ཚངས་པ་ཆེན་པོ་ཁྱད།
237b2 པར་སེམས་འདི་ནི་ཚངས་པ་འོད་ཟེར་བཟང་ཞེས་བྱ་བར་གྱུར་ཏོ།། དེ་ནས་བཅོམ་ལྡན་འདས་ལ། བྲམ་ཟེ་ཤིང་སྦྲུལ་ཆེན་པོ་ལྟ་བུའི་བུ་མཉམ་པར་གནས་པས་འདི་སྐད་ཅེས་གསོལ་ཏོ།།
237b3 བཅོམ་ལྡན་འདས་གང་བདི་མངོན་པར་བརྩོན་པ་དེ་བགྱིད་པའི་བརྩོན་འགྲུས་བརྩམས་པ་རྣམས་ལ། དེ་བཞིན་གཤེགས་པ་རྣམས་ཀྱི་བྱང་ཆུབ་ནི་དོན་ཆེན་པོ་ཐོབ་པར་འགྱུར་ཏེ།། མངོན་པར
237b4 མི་བརྩོན་པ་རྣམས་ལ་ནི་སངས་རྒྱས་བཅོམ་ལྡན་འདས་བརྒྱ་སྟོང་གིས་ཀྱང་ཅི་ཞིག་བགྱི། བཅོམ་ལྡན་འདས་མངོན་པར་བརྩོན་པ་ནི་བྱང་ཆུབ་ལགས་སོ།། དེ་ནས་འཇམ་དཔལ
237b5 གཞོན་ནུར་གྱུར་པས། བྲམ་ཟེ་ཤིང་སཱ་ལ་ཆེན་པོ་ལྟ་བུའི་བུ་མཉམ་པར་གནས་པ་ལ་འདི་སྐད་ཅེས་སྨྲས་སོ།། ཇི་ལྟར་ན་བྱང་ཆུབ་སེམས་དཔའ་མངོན་པར་བརྩོན་པ་མངོན་པར་བརྩོན
237b6 པ་ཞེས་བྱ།། སྨྲས་པ། བྱང་ཆུབ་སེམས་དཔའ་ཇི་ལྟར་བརྩོན་པར་བྱས་པས་མངོན་པར་རྟོགས་པ་ཐོབ་པར་འགྱུར་བ་དེ་འདི་ནི་མངོན་པར་བརྩོན་པའོ།། སྨྲས་པ། ཡང་ཇི་ལྟར་མངོན
237b7 པར་བརྩོན་པས་མངོན་པར་རྟོགས་པ་འཐོབ་པར་འགྱུར། སྨྲས་པ།། གང་ཆོས་གང་ལའང་རྣམ་པར་མི་རྟོགས་ན་དེ་ལྟར་མངོན་པར་བརྩོན་པས་མངོན་པར་རྟོགས་པ་འཐོབ་པར་འགྱུར་རོ།། སྨྲས་པ།
iiif viewer powered by OpenSeadragon
