| e-texts navigator |
| Wylie |
237a1 བྱཱ་བྱ། དེ་ན་དེ་བཞིན་གཤེགས་པ་དེ་སྟེང་གི་ནམ་མཁའ་ལ་བཞུགས་ནས། དེ་གཉིས་ལ་འདི་སྐད་ཅེས་བཀའ་སྩལ་པ།། རིགས་ཀྱི་བུ་ཆོག་གོ། སྨྲས་པ། རྩོད་པར་མ
237a2 བྱེད་ཅིག། སྨྲ་བས་རྩོད་པར་མ་བྱེད་ཅིག། སྨྲ་བ་ཐམས་ཅད་ནི་བྲག་ར་དང་མཚུངས་ཏེ། སྒྲ་ཅི་འདྲ་བ་དེ་བཞིན་དུ་སྒྲ་བརྙན་ཡང་དེ་བཞིན་ནོ།། ཁྱེད་ཀྱིས་སྤོབས་པ་སོ་སོ་ཡང་དག་པར
237a3 རིག་པ་མི་ཟད་པ་མངོན་པར་བསྒྲུབ་པ་ཁོང་དུ་ཆུད་དེ།། ཁྱེད་འདོད་ན་དྲིས་པ་འདིའི་དོན་བསྐལ་པ་འམ།། བསྐལ་པ་ལས་ལྷུག་པར་ཡང་ལན་ལྗོན་ཞིང་ཁྱེད་ཀྱི་སྤོབས་པའི་མཐར་ཕྱིན་པར
237a4 ཡང་མི་འགྱུར་མོད་ཀྱི། སངས་རྒྱས་ཀྱི་ཚིག་ནི་ཉེ་བར་ཞི་བ་ཡིན་ཏེ། ཞི་བ། རབ་ཏུ་ཞི་བ། ཉེ་བར་ཞི་བ།། ཡི་གེ་མེད་པའི་དོན་ཏོ།། དོན་ནི་བརྗོད་དུ་མེད་པ་སྟེ། ཇི་ཙམ་དུ་བརྗོད་པ་དེ
237a5 ཙམ་དུ་དོན་མེད་པའོ།། དོན་ལ་རྟོན་ལ། ཡི་གེ་ལ་མ་རྟོན་ཅིག་ཅེས་དེ་གཉིས་དེ་བཞིན་གཤེགས་པ་དེས་བསྐུལ་བར་རིགས་ནས་ཅང་མི་སྨྲ་བར་གྱུར་ཏོ།། རིགས་ཀྱི་བུ་རྣམ་གྲངས་འདིས
237a6 ཀྱང་འདི་ལྟར་འདོད་ན། བྱང་ཆུབ་སེམས་དཔའ་དག་བསྐལ་པ་བརྒྱ་སྟོང་ངམ།། དེ་བས་ཀྱང་ལྷག་པར་སྤོབས་པས་བསྟན་པ་སྟོན་པར་རིག་པར་བྱའོ།། རིགས་ཀྱི་བུ་དེའི་དུས་དེའི་ཚེ་ན
237a7 བྱང་ཆུབ་སེམས་དཔའ་གཉིས་བྱུང་བ་གཞན་ཡིན་པར་འཛིན་ན་ཁྱོད་ཀྱིས་དེ་ལྟར་མི་བལྟའོ།། དེ་ཅིའི་ཕྱིར་ཞེ་ན། འཇམ་དཔལ་གཞོན་ནུར་གྱུར་པ་འདི་དེའི་ཚེ་བྱང་ཆུབ་སེམས་དཔའ་བློ
iiif viewer powered by OpenSeadragon
