| e-texts navigator |
| Wylie |
235b1 ཉོན་མོངས་པར་འགྱུར་བ་ན། གནས་མ་ཡིན་ཞིང་གོ་སྐབས་མེད་དོ།། རིགས་ཀྱི་བུ་དེ་བཞིན་དུ་སེམས་ཀྱི་རང་བཞིན་ཡང་ཀུན་ཏུ་ཉོན་མོངས་པར་གྱུར་པ་ནི་གནས་མ་ཡིན་ཞིང་གོ་སྐབས་མེད་དོ།།
235b2 རིགས་ཀྱི་བུ་འདི་ལྟ་སྟེ། དཔེར་ན་ནམ་མཁའ་ལ་ནི་སྤྲིན་གྱི་བུ་པོ་འམ། དུ་བའམ། རྡུལ་དག་སྣང་སྟེ། དེས་ནམ་མཁའ་མི་མཛེས་ཤིང་ཀལྷམ་མེ་ལྡང་ངེར་མི་འགྱུར་མོད་ཀྱི་དེ་དག་གིས་ནམ
235b3 མཁའི་རང་བཞིན་ཀུན་ནས་ཉོན་མོངས་པར་མི་འགྱུར་རོ།། གལ་ཏེ་ན་མུན་ཁབ་ཀུན་ནས་ཉོན་མོངས་སུ་ཟིན་ན། ཤིན་ཏུ་རྣམ་པར་དག་པར་མི་འགྱུར་ཏེ། འདི་ལྟར་ཀུན་ནས་ཉོན་མོངས་པར་མི
235b4 འགྱུར་བས་ན། དེའི་ཕྱིར་ནམ་མཁའི་ཞེས་རབ་ཏུ་དབྱེའོ།། རིགས་ཀྱི་བུ་དེ་བཞིན་དུ་བྱིས་པ་སོ་སོའི་སྐྱེ་བོ་ཚུལ་བཞིན་མ་ཡིན་པ་ཡིད་ལ་བྱེད་པ་དང་ལྡན་པ་རྣམས་ཀྱི་ཉོན་མོངས་པ་སྐྱེ་མོད་ཀྱི
235b5 དེ་དག་གི་སེམས་ཀྱི་རང་བཞིན་ཀུན་ནས་ཉོན་མོངས་པར་མི་འགྱུར་རོ།། གལ་ཏེ་ཀུན་ནས་ཉོན་མོངས་པར་འགྱུར་ན་ནཱི། ཤིན་ཏུ་རྣམ་པར་དག་པར་མི་འགྱུར་ཏེ། འདི་ལྟར་ཀུན་ནས་ཉོན་མོང
235b6 པར་མི་འགྱུར་བས་ན།། དེའི་ཕྱིར་རང་བཞིན་གྱིས་རྣམ་པར་གྲོལ་བས་རྣམ་པར་གྲོལ་ལོ།། རིགས་ཀྱི་བུ་འདི་ནི་སྣང་བ་ཡོངས་སུ་དག་པའི་ཏིང་ངེ་འཛིན་ལ་འཇུག་པའོ་ཞེས་དེ་ལྟར་དེ
235b7 བཞིན་གཤེགས་པ་དེས་བྱང་ཆུབ་སེམས་དཔའ་དེ་གཉིས་ལ་རབ་ཏུ་བསྟན་ཏེ། དེ་གཉིས་ཀྱིས་ཏིང་ངེ་འཛིན་འདི་ཐོས་ནས་ཀ་བསམ་གྱིས་མི་ཁྱབ་པའི་ཆོས་ལ་ཆོས་ཀྱི་སྣང་བ་ཐོབ་བོ།།
iiif viewer powered by OpenSeadragon
