| e-texts navigator |
| Wylie |
233b1 གིས་ཏིང་ངེ་འཛིན་དེ་ཐོབ་པ་དེ་དག་ཐམས་ཅད་ཡོན་ཏན་འདི་དག་དང་ལྡན་པར་འགྱུར་རོ།། དེ་ནས་འཇམ་དཔལ་གཞོན་ནུར་གྱུར་པས། བྱང་ཆུབ་སེམས་དཔའ་མཉམ་པར་གནས་ལ་འདི
233b2 སྐད་ཅེས་སྨྲས་སོ།། རིགས་ཀྱི་བུ་གང་སྤྱོད་པ་བརྒྱད་ཁྲི་བཞི་སྟེང་དང་། ཆོས་ཀྱི་ཕུང་པོ་བརྒྱད་ཁྲི་བཞི་སྟོང་བསྟན་པ་འདི་ནི་ཆོས་ཀྱི་གཏན་ཞེས་བྱའོ།། གང་འདུ་ཤེས་དང་ཚེར་བ
233b3 ཐམས་ཅད་འགོག་པའི་སྙོམས་པར་འཇུག་པ་འདིན་འཕགས་པ་མི་སྨྲ་བར་གྱུར་པའོ།། རིགས་ཀྱི་བུ་ངས་བསྐལ་པའམ། བསྐལ་པ་ལས་ལྷག་པར་ཡང་ཆོས་ཀྱི་གཏམ་དང་འཕགས
233b4 པའི་མི་སྨྲ་བར་གྱུར་པ་ལས་བརྩམས་ཏེ་ལུང་བསྟན་ཀྱང་ངའི་སྤོབས་པ་ཟད་པར་མི་འགྱུར་རོ།། དེ་ནས་བཅོམ་ལྡན་འདས་ཀྱིས།། བྲམ་ཟེ་ཤི་སཱ་ལ་ཆེན་པོ་ལྟ་བུའི་བུ་མཉམ་པར་གནས་ལ་བཀའ།
233b5 སྩལ་པ། རིགས་ཀྱི་བུ་སྔོན་འདས་པའི་དུས་ན་བྱུང་བ།། བསྐལ་པ་གྲངས་མེད་པ་བས་ཀྱང་ཆེས་གྲང་མེད་པ། རྒྱ་ཆེ་བ།། ཚད་མེད་པ་ན། བསྐལ་པསྣན་པ་རྣམ་པར་གྲགས་པ་ཞེས་བྱ་བ་བྱུང་སྟེ
233b6 དེའི་ཚེ་དེའི་དུས་ན་མཐོང་ན་དགའ་བའི་འཇིག་རྟེན་གྱི་ཁམས་སུ་ཀུན་ཏུ་འོད་ཟེར་ཞེས་བྱ་བ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་མཁྱེན་པ་དང་ཞབས་སུ
233b7 ལྡན་པ། བདེ་བར་གཤེགས་པ།། འཇིག་རྟེན་མཁྱེན་པ།། སྐྱེས་བུ་འདུལ་བའི་ཁ་ལོ་སྒྱུར་བ།། བླ་ན་མེད་པ།། ལྷ་དང་མི་རྣམས་ཀྱི་སྟོན་པ་སངས་རྒྱས་བཅོམ་ལྡན་འདས་འཇིག་རྟེན་དུ་བྱུང་ངོ།
iiif viewer powered by OpenSeadragon
