| e-texts navigator |
| Wylie |
233a1 ཀྱང་མི་འགྲོལསྨད་པས་ཀྱང་རྣམ་པར་གྲོལ་བས་མི་འགྱུར་བ་ཡོད་དེ། དེ་དག་ལ་དེ་བཞིན་གཤེགས་པ་ཅི་ནས་མཉམ་པའིད་ཀྱིས་དབང་པའི་ཁམས་ལས་རྣམ་པར
233a2 གྲོལ་བ་དེ་ལྟ་དེ་ལྟ་བུར་རོས་སྟོན་ཏེ། དེ་དག་ཀྱང་དེ་བཞིན་གཤེགས་པས་རབ་ཏུ་མཁྱེན་ཏོ།། རབ་འབྱོར་རྣམ་གྲངས་འདིས་འདི་ལྟར་དེ་བཞིན་གཤེགས་པ་ནི་རོས་སྦ་བའི་མཆོག་ཡིན་པ་དང་།
233a3 བསམ་གཏན་པའི་མཆོག་ཡིན་པ་དང་། མི་སྨྲ་བར་གྱུར་པ་ལ་དགའ་བའི་མཆོག་ཡིན་པར་དེ་ལྟར་རིག་པར་བྱའོ།། དེ་ནས་ཚེ་དང་ལྡན་པ་རབ་འབྱོར་གྱིས།། འཇམ་དཔལ་གཞོན་ནུར་གྱུར་པ
233a4 ལ་འདི་སྐད་ཅེས་སྨྲས་པ།། འཇམ་དཔལ་གལ་ཏེ་ཉན་ཐོས་དང་རང་སངས་རྒྱས་ཀྱིས་ཆོས་བརྗོད་པར་མི་ནུས།། འཕགས་པ་མི་སྨྲ་བར་གྱུར་པ་ལ་གནས་པར་མི་ནུས་ན། བྱང་ཆུབ་སེམས
233a5 དཔའ་གང་ལ་ལ་ཡོན་ཏན་འདི་ལྟ་བུ་དང་ལྡན་པ་གང་ཇི་ལྟར་ཆོས་ཀྱི་གཏམ་རྗོད་པར་བྱེད་ཅིང་།། འཕགས་པ་མི་སྨྲ་བར་གྱུར་པ་ལ་གནས་པ་ཡོད་དམ།། འཇམ་དཔལ་གྱིས་སྨྲས་པ། བརྫུན
233a6 པ་རབ་འབྱོར་དེ་བཞིན་གཤེགས་པ་འདི་མངོན་དུ་བཞུགས་ཤིང་མཁྱེན་ན་དེ་བཞིན་གཤེགས་པས་མཁྱེན་གྱིས།། འདི་ལ་ཞུ་ཤིག། དེའི་ཚེ་བཅོམ་ལྡན་འདས་ཀྱིས།། ཚེ་དང་ལྡན
233a7 པ་རབ་འབྱོར་ལ་འདི་སྐད་ཅེས་བཀའ་སྩལ་ཏོ།། རབ་འབྱོར་སངས་རྒྱས་ཐམས་ཅད་ཀྱི་ཆོས་ཀྱི་རྗེས་སུ་འཇུག་པ་གཡེང་བ་མེད་པའི་ཏིང་ངེ་འཛིན་ཡོདདེ། བྱང་ཆུབ་སེམས་དཔའ་གང་དག
iiif viewer powered by OpenSeadragon
