| e-texts navigator |
| Wylie |
218b1 འདི་ནི་ཟག་པ་དང་བཅས་པའོ་འདི་ནི་ཟག་པ་མེད་པའོ་ཞེས་བྱ་བ་དང་། འདི་ནི་འཇིག་རྟེན་པའོ་འདི་ནི་འཇིག་རྟེན་ལས་འདས་པའོ་ཞེས་བྱ་བ་དང་། འདི་ནི་འདུས་བྱས་སོ་འདི་ནི་འདུས་མ་བྱས་སོ་ཞེས
218b2 བྱ་བ་དང་། འདི་ནི་ཚུལ་ཁྲིམས་སོ་འདི་ནི་ང་ཚུལ་ངན་པའོ་ཞེས་བྱ་བ་དང་། འདི་ནི་བླང་པོ་འདི་ནི་དྲང་མ་ཡིན་པའོ་ཞེས་བྱ་བ་དང་། འདི་ནི་འཐོབ་པར་འགྱུར་རོ་འདིས་ནི་འཐོབ་པམ་ཡིན་པར་འགྱུར
218b3 ཞེས་བྱ་བ་འདི་ནི་རྗོད་པའོ།། ཚུངས་པ་ཇི་ཙམ་དུ་ཁེང་ས་པ་དང་།། འདུད་པ་དང་། ལེན་པ་དང་། འདོར་བ་དེ་ཙམ་དུ་རྩོད་པ་སྟེ། དེ་བཞིན་གཤེགས་པས་ནི་རྩོད་པ་མེད་པར་ཆོས་བསྟན་ཏོ།། སྤྲོས་པ
218b4 ལ་དགའ་བ་ལ་ནི་མི་རྩོད་པ་མེད་དོ།། རྩོད་པ་མང་བ་ལ་ནི་དགེ་སྦྱོང་དུ་གྱུར་པ་མེད་དོ།། དགེ་སྦྱོང་འདོད་པ་ལ་ནི་འཐབ་པ་མེད་དོ།། སྨྲས་པ། འཇམ་དཔལ་ཇི་ལྟར་དགེ་སློང་དེ་བཞིན་གཤེགས་པའི
218b5 བསྟན་པ་བཞིན་བྱེད་པ་དང་།། བཀའ་བཞིན་བྱེད་པར་འགྱུར། སྨྲས་པ། ཚངས་པ་ནམ་དགེ་སློང་བསྟོད་པ་དང་། སྨད་པ་བྱས་ཀྱང་གནོད་པ་མེད་ན། དེ་ལྟར་ན་བསྟན་པ་བཞིན་དུ་བྱེད་པ་ཡིན་ནོ།། གང་ཡི
218b6 གེའི་རྗེས་སུ་མི་སྙེགས་ན་དེ་ལྟར་ན་དཀའ་བཞིན་དུ་བྱེད་པ་ཡིན་ནོ།། གང་མཚན་མ་ཐམས་ཅད་ལས་ཞི་བར་གྱུར་ན།། དེ་ལྟར་ན་བསྟན་པ་བཞིན་བྱེད་པ་ཡིན་ནོ།། གང་དོན་དང་འགལ་བར་མི་བྱེད་ན་དེ་ལྟར
218b7 ན་བཀའ་བཞིན་བྱེད་པ་ཡིན་ནོ།། གང་ཆོས་ཡོངས་སུ་སྲུང་ན་དེ་ལྟར་ན་བསྟན་པ་བཞིན་བྱེད་པ་ཡིན་ནོ།། གང་ཚིག་རྣམས་དང་འཐུན་པར་མི་བྱེད་ན་དེ་ལྟར་ན་བཀའ་བཞིན་བྱེད་པ་ཡིན་ནོ།། སྨྲས་པ
iiif viewer powered by OpenSeadragon
