| e-texts navigator |
| Wylie |
215b1 ཅད་མཁྱེན་པ་ཉིད་ཅེས་བྱ་བ་ནི་ཐམས་ཅད་མཁྱེན་པའི་ཡེ་ཤེས་ལ་མཁས་པའི་ཚིག་བླ་དགས་སོ།། དེ་ནས་བཅོམ་ལྡན་འདས་ལ།། ཚངས་པ་ཁྱད་པར་སེམས་ཀྱིས་འདི་སྐད་ཅེས་གསོལ་ཏོ།།
215b2 བཅོམ་ལྡན་འདས་འདི་ལྟར་དེ་བཞིན་གཤེགས་པས་སེམས་ཅན་ཐམས་ཅད་ཀྱི་སེམས་ཀྱི་སྤྱོད་པ་ཐམས་ཅད་ཀྱང་མཁྱེན་ལ། སེམས་ཀྱི་དམིགས་པ་ལའང་འཇུག་པ་མི་མངའ་བ་ནི་སངས་རྒྱས་ཀྱི་ཡེ་ཤེས
215b3 བསམ་གྱིས་མི་ཁྱབ་སྟེ་ངོ་མཚར་ཏོ།། བཅོམ་ལྡན་འདས་དེ་ལ་ཡོན་ཏན་གྱི་བྱེ་བྲག་ཚད་མ་མཆིས་པ་འདི་ལྟ་བུ་འདི་དག་གདབ་ན།། རིགས་ཀྱི་བུ་པོ་འམ། རིགས་ཀྱི་བུ་མོ་སུ་ཞིག་བླ་ན་མེད་པ་ཡང་དག་པར
215b4 རྫོགས་པའི་བྱང་ཆུབ་ཏུ་སེམས་མི་སྐྱེད།། དེ་ནས་བཅོམ་ལྡན་འདས་ལ།། བྱང་ཆུབ་སེམས་དཔའ་དྲ་བ་ཅན་གྱི་འོད་ཀྱིས་འདི་སྐད་ཅེས་གསོལ་ཏོ།། བཅོམ་ལྡན་འདས་བྱང་ཆུབ་སེམས་དཔའ་སུ་དག་ཡོན
215b5 ཏན་རེ་བའི་སླད་དུ་བྱང་ཆུབ་ལ་འཇུག་ན།། དེ་དག་ཐེག་པ་ཆེན་པོ་ལ་ཡང་དག་པར་ཞུགས་པ་མ་ལགས་པར་རིག་པར་བགྱིའོ།། དེ་ཅིའི་སླད་དུ་ཞེ་ན། བཅོམ་ལྡན་འདས་རེ་བར་བགྱི་བ་མ་མཆིས
215b6 པའི་སྲང་དུ་ཆོས་ཐམས་ཅད་ནི་ཡོན་ཏན་དང་བྲལ་ཞིང་ཡོན་ཏན་མ་མཆིས་པ་སྟེ། དེ་བས་ན་བྱང་ཆུབ་སེམས་དཔའ་རྣམས་ཀྱིས་ཡོན་ཏན་གྱི་སླད་དུའམ།། ལེགས་པའི་སླད་དུ་བྱང་ཆུབ་ལ་འཇུག་པར
215b7 མི་བགྱིའོ།། གཞན་དུ་ན་སྙིང་རྗེ་ཆེན་པོས་རྒྱུས་དག་གིས་སྡུག་བསྔལ་བས་ཡོངས་སུ་མི་སྐྲག་པའི་སླད་དུ། དགེ་བའི་ཆོས་བསྐྱེད་པར་བགྱི་བའི་སླད་དུ། ལྟ་བ་ལས་རྣམ་པར་ཐར་པར་བགྱི་བའི་སྲད་དུ
iiif viewer powered by OpenSeadragon
