| e-texts navigator |
| Wylie |
215a1 བཅོམ་པ་དེ་ནི་ཐམས་ཅད་མཁྱེན་པ་ཉིད་དོ།། འཐོབ་པ་མེད་ཅིང་རྣམ་པར་རིག་པ་མེད་ལ་ཀླུ་སེམས་ཅན་ཐམས་ཅད་ཀྱི་སེམས་ཀྱི་སྤྱོད་པ་དེ་ལས་ཤེས་པར་འགྱུར
215a2 བ་ན་། དེའི་ཕྱིར་ཐམས་ཅད་མཁྱེན་པ་ཉིད་ཅེས་བྱའོ།། ཡེ་ཤེས་ཐམས་ཅད་མངོན་པར་རྟོགས་པ་དང་། སློབ་པའི་ཡེ་ཤེས་དང་། མི་སློབ་པའི་ཡེ་ཤེས་དང་། རང་སངས་རྒྱས་ཀྱི་ཡེ་ཤེས
215a3 དང་ཐམས་ཅད་མཁྱེན་པའི་ཡེ་ཤེས་ཀྱང་འདི་ལྟར་རྣམ་པར་བཞག་པས་ན།། ཐམས་ཅད་མཁྱེན་པ་ཉིད་ཅེས་བྱའོ།། ཡང་དག་པར་སྦྱོར་བས་འདི་ལས་ཡེ་ཤེས་འཇུག་པས་ན། དེའི་ཕྱིར
215a4 ཐམས་ཅད་མཁྱེན་པ་ཉིད་ཅེས་བྱའོ།། སྨན་ཐམས་ཅད་ཡོངས་སུ་ཤེས་པས་དེའི་ཕྱིར་ཐམས་ཅད་མཁྱེན་པ་ཉིད་ཅེས་བྱའོ།། ནད་ཐམས་ཅད་རབ་ཏུ་ཞི་བར་བྱས་པས་དེའི་ཕྱིར་ཐམས་ཅད
215a5 མཁྱེན་པ་ཉིད་ཅེས་བྱའོ།། བཅིངས་པ་ཐམས་ཅད་བཅོམ་པས་དེའི་ཕྱིར་ཐམས་ཅད་མཁྱེན་པ་ཉིད་ཅེས་བྱའོ།། བག་ཆགས་ཀྱི་མཚམས་སྦྱོར་བ་ཐམས་ཅད་བཅོམ་པས་དེའི་ཕྱིར་ཐམས་ཅད
215a6 མཁྱེན་པ་ཉིད་ཅེས་བྱའོ།། རྟག་ཏུ་མཉམ་པར་བཞག་པས་དེའི་ཕྱིར་ཐམས་ཅད་མཁྱེན་པ་ཉིད་ཅེས་བྱའོ།། ཆོས་ཐམས་ཅད་ལ་ཐེ་ཙོམ་མེད་པས་དེའི་ཕྱིར་ཐམས་ཅད་མཁྱེན་པ་ཉིད་ཅེས་བྱའོ།།
215a7 འཇིག་རྟེན་པ་དང་།། འཇིག་རྟེན་ལས་འདས་པའི་ཡེ་ཤེས་རྣམས་ཀྱང་ཐམས་ཅད་མཁྱེན་པ་འདི་ལས་རྣམ་པར་བཞག་པས་ན། དེའི་ཕྱིར་ཐམས་ཅད་མཁྱེན་པ་ཉིད་ཅེས་བྱ་སྟེ། ཚངས་པ་དེའི་ཕྱིར་ཐམས
iiif viewer powered by OpenSeadragon
