| e-texts navigator |
| Wylie |
214b1 གཤེགས་པའི་ཐམས་ཅད་མཁྱེན་པ་ཉིད་ཡེ་ཤེས་ཆགས་པ་མེད་ཅིང་སྒྲིབ་པ་མེད་པ་ཡིན་ནོ།། ཚངས་པ་ཐམས་ཅད་མཁྱེན་པ་ཉིད་ནི་ཆོས་གང་ཡང་མི་ལེན་ཏོ།། ཚངས་པ་འདི་ལྟར་ཐམས
214b2 ཅད་མཁྱེན་པ་ཉིད་ནི་ཆོས་ཐམས་ཅད་ཀྱི་སྣོད་དུ་མ་གྱུར་པ་མིན་ཏེ། ཚངས་པ་སྣོད་མ་ཡིན་པ་ཞེས་བྱ་བ་ནི་དངོས་པོ་མེད་པའི་ཚིག་བླ་དགས་སོ།། དངོས་པོ་མེད་པ་ཞེས་བྱ་བ་ནི་བླ་གབ་མེད་པའི་ཚིག་བླ
214b3 དགས་སོ།། ཐམས་ཅད་མཁྱེན་པ་ནི་བླ་གམ་མེད་པ་དང་མཚུངས་པ་སྟེ། དེ་བས་ན་དེ་ཆོས་གང་ཡང་མི་ལེན་ཏོ།། ཚངས་པ་འདི་ལྟ་སྟེ། དཔེར་ན་ནམ་མཁའ་ལ་གནས་ཏེ་བྱ་བ་ཐམས་ཅད་བྱེད
214b4 ཀྱང་རྟནམ་མཁའ་དེ་ནི་མི་གནས་པའོ།། དེ་བཞིན་དུ་ཐམས་ཅད་མཁྱེན་པ་ཉིད་ལ་ཡེ་ཤེས་ཐམས་ཅད་རྣམ་པར་བཞག་ཀྱང་ཐམས་ཅད་མཁྱེན་པ་ཉིད་ནི་མི་གནས་སོ།། གསོལ་པ།། བཅོམ
214b5 ལྡན་འདས་ཐམས་ཅད་མཁྱེན་པ་ཉིད་ཅེས་བགྱི་བ་བཅོམ་ལྡན་འདས་ཅིའི་སླད་དུ་ཐམས་ཅད་མཁྱེན་པ་ཉིད་ཅེས་བགྱི། བཀའ་སྩལ་པ། ཚངས་པ་ཉན་ཐོས་རྣམས་དང་རང་སངས་རྒྱས་རྣམས་ཀྱི་སྤྱོད
214b6 པ་ཐམས་ཅད་དེས་ཤེས་ཏེ། དེའི་ཕྱིར་ཐམས་ཅད་མཁྱེན་པ་ཉིད་ཅེས་བྱའོ།། དེ་དག་གི་བསམ་པ་ཐམས་ཅད་ཀུན་ཤེས་པ་དང་། སྦྱོར་བ་ཀུན་ཤེས་པ་དང་། སྙིང་རྗེ་ཀུན་ཤེས་པ་དང་།
214b7 བསླབ་པ་ཀུན་ཤེས་པ་དང་།། ཡང་དག་པར་འཛིན་པ་ཀུན་ཤེས་པས་དེའི་ཕྱིར་ཐམས་ཅད་མཁྱེན་པ་ཉིད་ཅེས་བྱའོ།། རྒྱུ་བ་ཐམས་ཅད་རྣམ་པར་སྤངས་པ་དང་།། རློམ་སེམས་ཐམས་ཅད
iiif viewer powered by OpenSeadragon
