| e-texts navigator |
| Wylie |
214a1 གང་ཡིན་པ་དང་། ཤེས་རབ་ཀྱི་ཕ་རོལ་ཏུ་ཕྱིན་པའི་མཉམ་པ་ཉིད་གང་ཡིན་པ་དེ་ནི་ཐམས་ཅད་མཁྱེན་པ་ཉིད་ཀྱི་མཉམ་པ་ཉིད་དོ།། དེ་བས་ན་མཉམ་པ་ཉིད་འདིས
214a2 ཆོས་ཐམས་ཅད་མཉན་པ་ཉིད་དེ། ཆོས་ཐམས་ཅད་མཉམ་པ་ཉིད་གང་ཡིན་པ་དེ་ནི་ཐམས་ཅད་མཁྱེན་པའི་མཉམ་པ་ཉིད་དོ།། གཞན་ཡང་ཚངས་པ་སྦྱིན་པ་འི་འདུ་ཤེས་ཡོངས་སུ་རྫོགས་པ་དང
214a3 ཚུལ་ཁྲིམས་ཀྱི་འདུ་ཤེས་དང་། བཟོད་པ་དང་། བརྩོན་འགྲུས་དང་། བསམ་གཏན་དང་། ཤེས་རབ་ཀྱི་འདུ་ཤེས་ཡོངས་སུ་རྫོགས་ནས།། ཐམས་ཅད་མཁྱེན་པ་ཉིད་ཡོངས་སུ་རྫོགས
214a4 པར་བྱེད་དོ།། ཐམས་ཅད་མཁྱེན་པ་ཉིད་ནི་འདུ་ཤེས་ཐམས་ཅད་དང་བྲལ་བ་སྟེ། དེ་ལྟར་ན་ཚངས་པ་ཕ་རོལ་དུ་ཕྱིན་པ་དྲུག་ཡོངས་སུ་རྫོགས་པས། ཐམས་ཅད་མཁྱེན་པཉིད་ཡོངས་སུ
214a5 རྫོགས་པར་བྱེད་དོ།། གསོལ་པ། བཅོམ་ལྡན་འདས་ཐམས་ཅད་མཁྱེན་པ་ཉིད་ཡོངས་སུ་རྫོགས་པ་གང་ལགས།། བཅོམ་ལྡན་འདས་ཀྱིས་བཀའ་སྩལ་པ། གང་མིག་མི་ལེན་པ་གཟུག
214a6 མི་ལེན་པ་དེ་ནས།། ཡིད་དང་ཆོས་ཀྱི་བར་དུ་མི་ལེན་ཏེ།། ཚངས་པ་གང་ཕྱི་དང་ནང་གི་སྐྱེ་མཆེད་དྲུག་པོ་འདི་རྣམས་མི་ལེན་པ་འདི་ནི་ཐམས་ཅད་མཁྱེན་པ་ཉིད་ཡོངས་སུ་རྫོགས་པའོ།། ཚངས་པ
214a7 དེ་ལྟར་ཐམས་ཅད་མཁྱེན་པ་ཉིད་ཡོངས་སུ་རྫོགས་པར་བྱས་ན་མིག་ལ་མི་ཆགས། རྣ་བ་ལ་མི་ཆགས། སྣལ་མི་ཆགས། ཡུལ་མི་ཆགས། ལུས་ལ་ནི་ཆགས།། ཡིད་ལ་མི་ཆགས་ཏེ། དེ་བས་ན་དེ་བཞིན
iiif viewer powered by OpenSeadragon
