| e-texts navigator |
| Wylie |
213a1 བྱབྱ། ཏུ་ཕྱིན་པའོ།། གང་རང་བཞིན་གྱིས་མི་སྐྱེ་བའི་ཆོས་ལ་བཟོད་པ་དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པ་སྡེ། ཚངས་པ་དེ་ལྟ་དེ་ལྟར་དེ་བཞིན་གཤེགས་པ་ནར་མེ་མཛད་ལས
213a2 ཕ་རོལ་ཏུ་ཕྱིན་པ་རྣམས་ཡོངས་སུ་རྫོགས་པར་བྱས་སོ།། ཚངས་པ་གང་སེམས་དང་པོ་བསྐྱེད་པ་ཚུན་ཆད་ཀྱི་སྦྱིན་པ་ཡོངས་སུ་གཏོང་བ་དེ་ནི་ཕྱིས་མི་དམིགས་པས་སྦྱིན་པ་ཡོངས་སུ་གཏོང་བ་དེ་ལ་བརྒྱའི
213a3 ཆར་ཡང་ཉེ་བར་མི་འགྱུར་བ་ནས་དཔེའི་བར་དུའང་ཉེ་བར་མི་འགྲོའོ།། གང་དང་པོའི་ཚུལ་ཁྲིམས་བསླབ་པ་དང་། སྦྱངས་པའི་ཡོན་ཏན་ཡང་དག་པར་བླངས་པའི་ཚུལ་ཁྲིམས་དེ་ནི་ཤིན
213a4 ཏུ་སྦྱངས་པའི་ཚུལ་ཁྲིམས་དེ་ལ་དཔེའི་བར་དུའང་ཉེ་བར་མི་འགྲོའོ།། གང་སེམས་དང་པོ་བསྐྱེད་པ་ཚུན་ཆད་ཀྱི་བཟོད་པ་དང་ངེས་པ་དེ་ནི་ཤིན་ཏུ་བཟོད་པའི་ཆོས་ཉིད་དེ་ལ་རྒྱུར་ཡང་ཉེ་བར་མི་འགྲོའོ།།
213a5 གང་སེམས་དང་པོ་བསྐྱེད་པ་ཚུན་རད་ནས་བཟུང་སྟེ། བརྩོན་འགྲུས་བརྩམས་པ་དེ་ནི་བླང་བ་མེད་པ་དང་། དོར་བ་མེད་པའི་བརྩོན་འགྲུས་དེ་ལ་དཔེའི་བར་དུའང་ཉེ་བར་མི་འགྲོའོ།།
213a6 གང་སེམས་དང་པོ་བསྐྱེད་པ་ཚུན་ཆད་ཀྱི་བསམ་གཏན་རབ་ཏུ་དབེན་པར་གནས་པ་དེ་ནི་རབ་ཏུ་ཞི་བ་མཚན་མ་མེད་པ་དེ་ལ་དཔེའི་བར་དུའང་ཉེ་བར་མི་འགྲོའོ།། ཚངས་པ་གང་སེམས་དང
213a7 པོ་བསྐྱེད་པ་ཚུན་ཆད་ཀྱི་ཤེས་རབ་ཀྱིས་སོ་སོའི་རྟོག་པ་དེ་ནི་སྤྲོས་པ་མེད་པའི་ཤེས་རབ་དེ་ལ་དཔེའི་བར་དུའང་ཉེ་བར་མི་འགྲོ་སྟེ། དེ་བས་ན་ཚངས་པ་རྣམ་གྲངས་འདིས་འདི་ལྟར་ངས་དེའི་ཚེ
iiif viewer powered by OpenSeadragon
