| e-texts navigator |
| Wylie |
210b1 ཇི་ལྟ་བུར་ལུང་བསྟན་པ་དེ་ལྟ་བུ་རངའང་ལུང་བསྟན་ཏོ།། སྨྲས་པ།། རིགས་ཀྱི་བུ་དེ་བཞིན་ཉིད་དང་། ཆོས་ཀྱི་དབྱིངས་ནི་ལུང་མི་བསྟན་ཏོ།། སྨྲས་པ་འོ་ན་དེ་བཞིན་ཉིད་དང་ཆོས་ཀྱི
210b2 དབྱིངས་ཇི་ལྟ་བ་བཞིན་དུ་ལུང་བསྟན་པ་དེའི་མཚན་ཉིད་ཀྱང་དེ་བཞིན་ནོ།། དེ་ནས་བཅོམ་ལྡན་འདས་ལ། ཚངས་པ་ཁྱད་པར་སེམས་ཀྱིས་འདི་སྐད་ཅེས་གསོལ་ཏོ།། བཅོམ་ལྡན་འདས་ཇི་ལྟར་སྤྱད་ན
210b3 བྱང་ཆུབ་སེམས་དཔའ་དེ་བཞིན་གཤེགས་པ་རྣམས་ཀྱིས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལུང་བསྟན་པར་འགྱུར། བཅོམ་ལྡན་འདས་ཀྱིས་བཀའ་སྩལ་པ། ཚངས་པ་ནམ
210b4 བྱང་ཆུབ་སེམས་དཔའ་སྐྱེ་བ་ལའང་མི་སྤྱོད།། འགག་པ་ལའང་མི་སྤྱོད།། དགེ་བ་ལའང་མི་སྤྱོད། མི་དགེ་པ་ལའང་མི་སྤྱོད།། འཇིག་རྟེན་པ་ལའང་མི་སྤྱོད།། འཇིག་རྟེན་ལས
210b5 འདས་པ་ལའང་མི་སྤྱོད།། ཟག་པ་དང་བཅས་པ་ལའང་མི་སྤྱོད། ཟག་པ་མེད་པ་ལའང་མི་སྤྱོད། ཁ་ན་མ་ཐོ་བ་དང་བཅས་པ་ལའང་མི་སྤྱོད། ཁ་ན་མ་ཐོ་བ་མེད་པ་ལའང་མི་སྤྱོད
210b6 འདུས་བྱས་ལའང་མི་སྤྱོད། འདུས་མ་བྱས་ལའང་མི་སྤྱོད། རྣལ་འབྱོར་ལའང་མི་སྤྱོད་རྣལ་འབྱོར་མ་ཡིན་པ་ལའང་མི་སྤྱོད་སྤོང་བ་ལའང་མི་སྤྱོད། སྤོང་བ་མ་ཡིན
210b7 པ་ལའང་མི་སྤྱོད།། འཁོར་བ་ལའང་མི་སྤྱོད། མྱ་ངན་ལས་འདས་པ་ལའང་མི་སྤྱོད། མཐོང་བ་ལའང་མི་སྤྱོད། ཐོས་པ་ལའང་མི་སྤྱོད། དྲན་པ་ལའང་མི་སྤྱོད།། རྣམ་པར་ཤེས་པ
iiif viewer powered by OpenSeadragon
