| e-texts navigator |
| Wylie |
201a1 ཐམས་ཅད་འདི་ལྟ་སྟེ། ཁ་དོག་གཅིག་ཏུ་གསེར་གྱི་ཁ་དོག་ལྟ་བུར་སྣང་ངོ་།། ཐམས་ཅད་ཁ་དོག་གཅིག་ཏུ་འདི་ལྟ་སྟེ། དེ་བཞིན་གཤེགས་པའི་ཁ
201a2 དོག་དང་། མཚན་དང་། གཟུགས་འཆང་བར་སྣང་ངོ་།། ཐམས་ཅད་ཀྱང་སྤྱི་གཙུག་བལྟར་མི་སྣང་ཞིང་། ལུས་མཆོག་གི་གཟུགས་སུ་སྣང་ངོ་།། དེ་དག་ཐམས་ཅད་ཀྱང་པདྨོའི་སྟན
201a3 ལ་འཁོད་ཅིང་རིན་པོ་ཆེའི་དྲ་བས་ཁེབས་པར་སྣང་ངོ་།། དེ་དག་ཐམས་ཅད་ཀྱང་འདི་ལྟ་སྟེ། སངས་རྒྱས་མཐོང་བའི་རང་བཞིན་དུ་རང་བཞིན་གཅིག་ཏུ་སྣང་ངོ་།། དེ་དག་ཐམས་ཅད་ཀྱང་འདི་ལྟ་སྟེ།
201a4 དཔེར་ན་དགའ་བའི་རྣམ་པ་བཀོད་པའི་ཏིང་ངེ་འཛིན་ཐོབ་པའི་བྱང་ཆུབ་སེམས་དཔའ་བཞིན་དུ་འདི་ལྟ་བུའི་བདེ་བ་སྐྱེས་པར་གྱུར་ཏོ།། དེ་ནས་འཁོར་དེ་ཐམས་ཅད་ངོ་མཚར་དུ་གྱུར་ཅིང་ཕན་ཚུན
201a5 དབྱེར་མེད་དེ་སྟོན་པའང་ལྷག་པར་མི་སེམས་བདག་ཉིད་ཀྱང་དམན་པར་མི་སེམས་སོ།། འོད་དེ་དག་བཏང་མ་ཐག་ཏུ་འོག་གི་ཕྱོགས་ནས་བྱང་ཆུབ་སེམས་དཔའ་བཞི་བྱུང་སྟེ། བཞི་གང
201a6 ཞེ་ན་འདི་ལྟ་སྟེ་བྱང་ཆུབ་སེམས་དཔའ་སེམས་དཔའ་ཆེན་པོ་སྨོན་ལམ་ཡང་དག་འཕགས་ཞེས་བྱ་བ་དང་། ཁྱད་པར་བཟང་ཞེས་བྱ་བ་དང་། ཡེ་ཤེས་ཟླ་བ་ཞེས་བྱ་བ་དང་། བྱང་ཆུབ་སེམས
201a7 དཔའ་སེམས་དཔའ་ཆེན་པོ་གཞན་གྱིས་མི་ཐུབ་རྒྱལ་མཚན་ཞེས་བྱ་བ་སྟེ།། དེ་དག་ཐལ་མོ་སྦྱར་ནས་གང་ལ་ཕྱག་བྱ་བའི་དེ་བཞིན་གཤེགས་པ་ཡང་དག་པ་འདིའི་ནང་ན་གང་ཡིན་སྙམ
iiif viewer powered by OpenSeadragon
