| e-texts navigator |
| Wylie |
195a1 པ་ན་སྲོག་ཆགས་སྟོང་ཕྲག་སུམ་ཅུ་རྩ་གཉིས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་སྐྱེས་སོ།། སྲོག་ཆགས་བརྒྱད་སྟོང་གིས་ནི་བཟོད་པ་རབ་ཏུ
195a2 ཐོབ་པར་གྱུར་ཏོ།། ལྷའི་བུ་སྟོང་ཕྲག་བདུན་ཅུ་རྩ་གཉིས་ནི་ཆོས་རྣམས་ལ་རྡུལ་མེད་ཅིང་དྲི་མ་དང་བྲལ་བའི་ཆོས་ཀྱི་མིག་རྣམ་པར་དག་གོ།། དེ་ནས་བཅོམ་ལྡན་འདས་ལ་ག་བྱང་ཆུབ་སེམས་དང་འདྲ་བ
195a3 ཅན་གྱི་འོད་ཀྱིས་འདི་སྐད་ཅེས་གསོར་ཏོ།། བཅོམ་ལྡན་འདས་ཚངས་པ་ཁྱད་པར་སེམས་འདི་དེ་བཞིན་གཤེགས་པའི་ཐུགས་རྗེ་ཆེན་པོ་དང་ལྡན་པའི་ཆོས་བསྟན་པ་འདི་ཐོས་ན་དགའ་བར་མི་བགྱིད།
195a4 རངས་པར་མི་འགྱུར་རོ།། ཁྱད་པར་སེམས་ཀྱིས་སྨྲས་པ་རིགས་ཀྱི་བུ་གང་གིས་རྣམ་པ་རང་ཤེས་པ་གཉིས་དང་ལྡན་པ་དེ་དག་ལ་ནི་དགའ་བ་དང་རངས་པར་ཡང་འགྱུར་གྱི་གཉིས་སུ་མེད་པ
195a5 ཡང་དག་པའི་མཐའ་ལ་གནས་པ་ལ་ནི་དགའ་བའང་མེད་རངས་པའང་མེད་དོ།། རིགས་ཀྱི་བུ་འདི་ལྟ་སྟེ། དཔེར་ན་སྒྱུ་མས་སྤྲུལ་པའི་སྐྱེས་བུ་ནི་སྒྱུ་མ་གར་བྱེད་པར་ཞུགས་ལ་དགབ་པའང་མེད།།
195a6 རངས་པའང་མེད་དོ།། རིགས་ཀྱི་བུ་དེ་བཞིན་དུ་ཆོས་ཐམས་ཅད་སྒྱུ་མའི་མཚན་ཉིད་ཀྱི་རང་བཞིན་དང་ལྡན་པའི་ཕྱིརདེ་བཞིན་གཤེགས་པའི་ཆོ་འཕྲུལ་ལ་དགྲབ་པའང་མི་སྐྱེ་བླ་རངས་པར
195a7 ཡང་མི་འགྱུར་རོ།། རིགས་ཀྱི་བུ་འདི་ལྟ་སྟེ། དཔེར་ན་དེ་བཞིན་གཤེགས་པའི་སྤྲུལ་པས་དེ་བཞིན་གཤེགས་པའི་སྤོབས་པ་ཐོས་ན་དགའ་པར་མི་བྱེད་ཀ་རངས་པར་མི་འགྱུར་རོ།། རིགས་ཀྱི་བུ
iiif viewer powered by OpenSeadragon
