| e-texts navigator |
| Wylie |
184a1 བཀའ་སྩལ་པ། ཚངས་པ་ཇི་ལྟར་འཇིག་རྟེན་ཐམས་ཅད་དང་མི་མཐུན་པ་ཡིན། གསོལ་པ། བཅོམ་ལྡན་འདས་ཇི་ལྟར་འཇིག་རྟེན་ནི་བདེན་པ་ལ་མངོན་པར་ཆགས
184a2 ན་ཆོས་འདི་ནི་བདེན་པའང་མ་ལགས། བརྫུན་པའང་མ་ལགས་སོ།། འཇིག་རྟེན་ནི་ཆོས་ལ་མངོན་པར་ཆགས་ན་ཆོས་འདི་ནི་ཆོས་ཀྱང་མ་ལགས། ཆོས་མ་ལགས་པའང་མ་ལགས་སོ།། །
184a3 འཇིག་རྟེན་ནི་མྱ་ངན་ལས་འདས་པ་ལ་ཆགས་ན། ཆོས་འདི་ལ་ནི་འཁོར་བའང་མ་མཆིས།། མྱ་ངན་ལས་འདས་པའང་མ་མཆིས་སོ།། འཇིག་རྟེན་ནི་དགེ་བ་ལ་མངོན་པར་ཆགས་ན།། འདི་ལ
184a4 ནི་དགེ་བའང་མ་མཆིས།། མི་དགེ་བའང་མ་མཆིས་སོ།། འཇིག་རྟེན་ནི་བདེ་བ་ལ་མངོན་པར་ཆགས་ན། འདི་ལ་ནི་བདེ་བའང་མ་མཆིས་སྡུག་བསྔལ་བའང་མ་མཆིས་སོ།། འཇིག་རྟེན
184a5 ནི་སངས་རྒྱས་འབྱུང་བ་ལ་མངོན་པར་ཆགས་ན། འདི་ལ་ནི་སངས་རྒྱས་འབྱུང་བའང་མ་མཆིས།། མྱ་ངན་ལས་འདས་པའང་མ་མཆིས་སོ།། ཆོས་བསྟན་ཀྱང་དེ་བརྗོད་དུ་མ་མཆིས་པའོ།། དགེ
184a6 འདུན་བསྟན་ཀྱང་དེ་འདུས་མ་བགྱིས་པའོ།། དེའི་སླད་དུ་ཆོས་འདི་ནི་འཇིག་རྟེན་ཐམས་ཅད་དང་མི་མཐུན་པ་ལགས་སོ།། བཅོམ་ལྡན་འདས་འདི་ལྟ་སྟེ།། དཔེར་ན་མེ་དང་ཆུའམ
184a7 ཆུ་དང་མེའི་གནས་འདི་ནི་མི་མཐུན་པའོ།། དེ་བཞིན་དུ་ཉོན་མོངས་པ་དང་། བྱང་ཆུབ་བམ།། བྱང་ཆུབ་དང་ཉོན་མོངས་པ་ནི་མི་མཐུན་པའོ།། ད་ཅིའི་སླད་དུ་ཞེ་ན། ཉོན་མོངས་པ་མ
iiif viewer powered by OpenSeadragon
