| e-texts navigator |
| Wylie |
183b1 བྱང་ཆུབ་ཀྱི་སྙིང་པོ་ལ་བཞུགས་ནས་མེད་པ་ཕྱིན་ཅི་ལོག་ལས་བྱུང་བའི་ཀུན་ནས་ཉོན་མོངས་པ་ཤིན་ཏུ་རང་བཞིན་གྱི་མི་སྐྱེ་བའི་ངོ་བོ་ཉིད་དུ་མཁྱེན་ཏེ། ཇི་ལྟར་ཤིན་ཏུ་མི་མཁྱེན་པ་དང་ཤིན་ཏུ་རྣམ
183b2 པར་མི་རིག་པ་དེ་ལྟར་མཁྱེན་ཏོ།། དེ་ཅིའི་ཕྱིར་ཞེ་ན། ཚངས་པ་ངས་འདི་ལྟར་ཆོས་གང་མངོན་པ་སངས་རྒྱས་པ་དེ་ནི། མ་མཐོང་། མཐོས། མདུན།། མ་རྟོགས། རྣམ་པར་མི་རིག་ཅིང་གཟུང་བའང
183b3 མེད་རྭ་སྦྱར་བའང་མེད། བརྗོད་དུའང་མེད།། རྗེས་སུ་སྦྱོར་བའང་མེད། ཡུལ་ཐམས་ཅད་ལས་འདས་པ། སྤར་མེད་པ། རབ་ཏུ་སྦྱར་མེད་པ། དཔྱོད་པ་མེད་པ་རྫོགས་པར་མི་རུང་བ།།
183b4 ཡི་གེ་མེད་པ་ཚིག་གི་ལམ་མེད་པ། རྣམ་པར་རིག་པ་མེད་པ་ཡིན་ཏེ། ཚངས་པ་དེ་ལྟར་ཆོས་གང་ནམ་མཁའ་དང་འདྲ་བའི་ཆོས་དེ་མངོན་པར་རྟོགས་པར་འདོད་དམ། གསོལ་པ། བཅོམ
183b5 ལྡན་འདས་དེ་ལྟ་མ་ལགས་སོ།། བཅོམ་ལྡན་འདས་སངས་རྒྱས་བཅོམ་ལྡན་འདས་རྣམས་ཀྱི་ཐུགས་རྗེ་ཆེན་པོ་བསམ་གྱིས་མི་ཁྱབ་པའི་ཆོས་དང་ལྡན་ཏེ། དེ་ལྟར་རབ་ཏུ་ཞི་བའི་ཆོས
183b6 མངོན་པར་སངས་རྒྱས་ནས། ཡི་གེ་དང་། ངེས་པའི་ཚིག་གིས་གཞན་དག་ལ་གོ་བར་མཛད་པ་ངོ་འཚར་ཏོ།། བཅོམ་ལྡན་འདས་གང་དེ་བཞིན་གཤེགས་པས་བསྟན་པའི
183b7 ཆོས་ལ་མངོན་པར་དད་པའི་སེམས་ཅན་དེ་དག་ནི་དགེ་བའི་རྩ་བ་ངན་ངོན་དང་ལྡན་པ་མ་ལགས་སོ།། དེ་ཅིའི་སླད་དུ་ཞེ་ན།། བཅོམ་ལྡན་འདས་ཆོས་འདི་ནི་འཇིག་རྟེན་ཐམས་ཅད་དང་མི་མཐུན་པའོ།།
iiif viewer powered by OpenSeadragon
