| e-texts navigator |
| Wylie |
181a1 བྱ་བྱ། པ་འདི་ནི་སྡུག་བསྔལ་བའོ་ཞེས་བྱ་བ་དེ་ནི་འཕགས་པ་རྣམས་ཀྱི་བདེན་པ་མ་ཡིན་ནོ།། ཚངས་པ་འདི་ནི་སྡུག་བསྔལ་ཀུན་འབྱུང་བའོ།། འདི་ནི་སྡུག་བསྔལ་འགོག་པའོ།།
181a2 འདི་ནི་སྡུག་བསྔལ་འགོག་པར་འགྲོ་བའི་ལམ་མོ་ཞེས་བྱ་བ་དེ་ནི་འཕགས་པ་རྣམས་ཀྱི་བདེན་པ་མ་ཡིན་ནོ།། དེ་ཅིའི་ཕྱིར་ཞེ་ན། ཚངས་པ་འདི་ནི་སྡུག་བསྔལ་བའོ་ཞེས་བྱ་བ་དེ་ཅི་སྟེ་འཕགས་པ་རྣམས་ཀྱི་བདེན།
181a3 པ་ཡིན་དུ་ཟིན་ན། དེ་ནི་བྱོལ་སོང་བ་གླང་དང་། བོང་བུ་དང་། སེམས་ཅན་དམྱལ་བ་པ་ཐམས་ཅད་ཀྱིའང་འཕགས་པའི་བདེན་པར་འགྱུར་རོ།། དེ་ཅིའི་ཕྱིར་ཞེ་ན། འདི་ལྟར་དེ་དག་ནི་སྡུག་བསྔལ
181a4 པའི་ཚེར་བ་རྣམས་མྱོང་ངོ་།། ཚངས་པ་བ་དི་ནི་སྡུག་བསྔལ་ཀུན་འབྱུང་བ་ཞེས་བྱ་བ་དེ་ཅི་སྟེ་འཕགས་པ་རྣམས་ཀྱི་བདེན་པ་ཡིན་དུ་ཟིན་ན། དེ་ནི་གང་འགྲོ་བ་རྣམས་སུ་འབྱུང་བའི་འགྲོ་བ་ཐམས་ཅད་དུ
181a5 རྒྱས་པའི་སེམས་ཅན་རྣམས་ཀྱི་ཡང་འཕགས་པའི་བདེན་པར་འགྱུར་རོ།། འདི་ནི་འགོག་པའོ་ཞེས་བྱ་བ་དེ་ཅི་སྟེ་འཕགས་པའི་བདེན་པ་ཡིན་དུ་ཟིན་ན། དེ་ན་གང་རྣམས་དངོས་པོ་བཤིགས་པས་མྱ
181a6 ངན་ལས་འདས་པ་ཚོལ་བ་དང་། འགོག་པར་ལྟ་བར་ལྷུང་བ་ཆད་པར་སྨྲ་བ་ཐམས་ཅད་ལའང་འཕགས་པའི་བདེན་པར་འགྱུར་རོ།། འདི་ནི་ལམ་མོ་ཞེས་བྱ་བ་དེ་ཅི་སྟེ་པགས་པ་རྣམས་ཀྱི་བདེན་པ་ཡིན
181a7 དུ་ཟིན་ན། དེ་ནི་འདུས་བྱས་ཀྱིས་འདུས་བྱས་ལས་འབྱུང་བར་ཚོལ་བ། འདུས་བྱས་ལམ་དུ་དམིགས་པ་ཐམས་ཅད་ལའང་འཕགས་པའི་བདེན་པར་འགྱུར་ཏེ། དེ་བས་ན་ཚངས་པ་རྣམ་གྲངས་འདི་ཇི་ལྟར
iiif viewer powered by OpenSeadragon
