| e-texts navigator |
| Wylie |
179a1 བྱ་བྱ། དཔའ་བོ་དེ་དག་འཇིག་རྟེན་སྤྱོད།། པདྨོ་བཞིན་དུ་ཆགས་པ་མེད།། ཆོས་ཀྱི་དབྱིངས་ལ་རབ་གནས་ནས།། འཇིག་རྟེན་དག་ཀྱང་འཇིག་མེད་བྱེད།། འཇིག་རྟེན།
179a2 ཆོས་ཉིད་མི་ཤེས་པར།། འཇིག་རྟེན་གང་ལ་སྤྱོད་པར་ཡང་།། འཇིག་རྟེན་མཚན་ཉིད་ཤེས་ནས་ནི།། མཁས་པ་དེ་དག་ཉིད་ན་སྤྱོད།། འཇིག་རྟེན་ནམ་མཁའི་མཚན་ཉིད་དེ།། ནམ
179a3 མཁའ་ལ་ཡང་མཚན་ཉིད་མེད།། དེ་དག་དེ་ཡི་འགྲོ་རིག་ནས།། འཇིག་རྟེན་ཆོས་ཀྱིས་གོས་པ་མེད།། ཇི་ལྟར་འཇིག་རྟེན་རབ་ཤེས་པ།། དེ་བཞིན་སྲོག་ཆགས་རྣམས་ལ་སྔ།། ཆོས་ཀྱི་རང
179a4 བཞིན་ཤེས་ནས་ནི།། འཇིག་རྟེན་དག་ཀྱང་འཇིག་མི་བྱེད།། ཕུང་པོ་རྣམས་ལ་རང་བཞིན་མེད།། འདི་ནི་འཇིག་རྟེན་ཆོས་ཉིད་དོ།། གང་རྣམས་དེ་ལྟར་མི་ཤེས་པ།། དེ་དག་རྟག་ཏུ
179a5 འཇིག་རྟེན་གནས།། མ་སྐྱེས་པ་དང་མ་བྱུང་བར།། གང་གིས་ཕུང་པོ་ཀུན་ཤེས་པ།། དེ་དག་འཇིག་རྟེན་སྤྱོད་འགྱུར་ཡང་།། འཇིག་རྟེན་འདི་ལའང་མི་གནས་སོ།། འཇིག་རྟེན་ཆོས་རྣམས་མི
179a6 ཤེས་ཤིང་།། འདུ་ཤེས་གཉིས་ལ་གང་གནས་པ།། འདྲི་བདེན་འདི་ནི་བརྫུན་ནོ་ཞེས།། མི་མཁས་དེ་དག་རྩོད་པ་འགྱུར།། འདི་ལྟར་འཇིག་རྟེན་ཆོས་རྣམས་ཀྱི།། ཡང་དག་ཆོས་ཉིད་ངས་ཤེས་པས།། །
179a7 ང་ནི་འཇིག་རྟེན་རྣམས་དང་ཡང་།། རྣམ་ཀྱང་རྩོད་པར་མི་བྱེད་དོ།། རྩོད་པ་མེད་པའི་ཆོས་འདི་ནི།། སངས་རྒྱས་ཀུན་གྱིས་བཤད་པ་སྟེ།། འཇིག་རྟེན་མཉམ་པ་ཉིད་ཤེས་ན།། འདི་ལ་བདེན་པའམ་བརྫུན
iiif viewer powered by OpenSeadragon
