| e-texts navigator |
| Wylie |
177b1 ཏུ་བསམ་པ་དྲིམ་མེད།། དེ་བྱིར་དེ་ནི་རྒྱལ་བས་ཀུན་ཏུ་འགྲོ་བས་གསུངས།། མི་སྡུག་སྒོམ་ཞིང་འདོད་ཆགས་ཀྱིས་ཀྱང་ཆགས་པ་མེད།། བྱམས་ལ་གནས་ཤིང་ཞེ་སྡང་གིས་ནི་གཏུམ་པ་མེད།
177b2 ཤེས་རབ་དག་ལ་གནས་ཤིང་གཏི་མུག་བྲུན་མ་ཡིན།། མཁས་པ་རྣམས་ནི་དེ་ལ་ཀུན་ཏུ་འགྲོ་བར་གསུངས།། དེ་ནི་གྲོང་དུ་ཇི་བཞིན་དེ་བཞིན་དགོན་པར་ཡང་།། དགོན་པ་དང་ནི་གྲོང་དང
177b3 འཁོར་དུ་དེ་འདྲ་བར།། དེ་ནི་སྤྱོར་ལམ་རྣམ་པར་འགྱུར་བར་མི་བྱེད་དེ།། དེ་ཕྱིར་རྒྱལ་བས་དེ་ལ་ཀུན་ཏུ་འགྲོ་བར་བརྗོད།། རྒྱལ་བ་ཀུན་གྱི་ཆོས་ཉིད་ལ་ནི་དེ་མོས་ཏེ།། མཁས་པས་ཆོས་ཉིད་ལ
177b4 ཡང་འདོད་ཆགས་བྲལ་བ་དང་།། དགེ་འདུན་ལ་ཡང་འདུས་མ་བྱས་པར་ཤིན་དུ་མོས།། དེ་ཕྱིར་རྒྱལ་བ་རྣམས་ཀྱིས་ཀུན་ཏུ་འགྲོ་བར་གསུངས།། འདོད་ཆགས་མོས་པ་དག་གིས་སྤྱོད་པར
177b5 རབ་ཏུ་ཤེས།། ཞེ་སྡང་མོས་པ་རྣམས་དང་དེ་བཞིན་གཏི་མུག་དང་།། སྤྱོད་པ་རྣམ་པར་འགྱུར་བ་ལ་ཡང་དེ་མཁས་ཏེ།། དེ་ཕྱིར་དེ་ནི་རྒྱལ་བས་ཀུན་ཏུ་འགྲོ་བར་བསྟན།། འདོད་པའི
177b6 ཁམས་ལ་ཤིན་ཏུ་གནས་པར་མི་བྱེད་དེ།། གཟུགས་ཀྱི་ཁམས་ལ་ཡང་ནི་གུནས་པར་མི་འགྱུར་རོ།། དེ་ནི་གཟུགས་མེད་པ་ཡི་ཁམས་ལ་མི་གནས་ཏེ།། དེ་ཕྱིར་དེ་ནི་རྒྱལ་བས་ཀུན་ཏུ
177b7 འགྲོ་བར་བརྗོད།། རྟག་ཏུ་མཚན་མ་དང་ནི་སྨོན་པས་གསོག་གྱུར་དང་།། དངོས་པོ་ཐམས་ཅད་སྟོང་པ་ཉིད་དུ་དེ་མོས་ཤིང་།། ཟག་པ་རྣམས་ནི་བར་དུ་ཟད་པར་མི་བྱེད་དེ།། དེ་ཕྱིར་དེ་ནི་རྒྱལ
iiif viewer powered by OpenSeadragon
