| e-texts navigator |
| Wylie |
176a1 གང་དག་མི་སྐྱེ་བའི་མཐུབ་རྟོགས་པ་རྣམས་སོ།། གསོལ་པ། དེ་བཞིན་གཤེགས་པ་དང་ཉེ་བར་གནས་པ་གང་དག་ལགས། བཀའ་སྩལ་པ་ཀ་གང་དག་སྲོག།
176a2 གི་ཕྱིར་ཡང་བསླབ་པ་མི་འབྲལ་བ་རྣམས་སོ།། གསོལ་པ།། དེ་བཞིན་གཤེགས་པ་ལ་རི་མོ་དང་བཅས་པ་གང་དག་ལགས།། བཀའ་སྩལ་པ། གང་དབང་པོ་རབ་ཏུ་བསྡམས་ཏེ་གནས་པ་རྣམས་སོ།། གསོལ།
176a3 པ་འཇིག་རྟེན་ན་ནོར་ཆེ་བ་གང་དག་ལགས། བཀའ་སྩལ་པ། གང་དག་ནོར་བདུན་དང་ལྡན་པ་རྣམས་སོ།། གསོལ་པ། འཇིག་རྟེན་ན་མཆོག་འཚལ་བ་གང་དག་ལགས། བཀའ་སྩལ་པ།། འཇིག
176a4 རྟེན་ན་གང་དག་ལ་ཤེས་རབ་བླ་ན་མེད་པ་ཡོད་པ་རྣམས་སོ།། གསོལ་པ། རབ་ཏུ་དབེན་པ་གང་དག་ལགས། བཀའ་སྩལ་པ། གང་དག་ཁམས་གསུམ་དུ་སྨོན་པ་མེད་པ་རྣམས་སོ།།
176a5 གསོལ་པ། འཇིག་རྟེན་ན་ཤིན་ཏུ་བསྡམས་པ་གང་དག་ལགས་བཀའ་སྩལ་པ། གང་ཀུན་ཏུ་སྦྱོང་བ་ཐམས་ཅད་ཤིན་ཏུ་བྱང་བ་རྣམས་སོ།། གསོལ་པ། འཇིག་རྟེན་ན་བདེ་བ་རྣམས་གང
176a6 དག་ལགས་བཀའ་སྩལ་པ་གང་རྣམས་ལ་ཡོངས་སུ་འཛིན་པ་མེད་པའོ།། གསོལ་པ།། ཡོངས་སུ་མི་འཛིན་པ་གང་དག་ལགས། བཀའ་སྩལ་པ། གང་དག་གིས་ཕུང་པོ་ཡོངས་སུ
176a7 ཤེས་པའོ།། གསོལ་པ།། ཕ་རོལ་ཏུ་མཆིས་པ་གང་དག་ལགས། བཀའ་སྩལ་པ། གང་གིས་སྐྱེ་མཆེད་དྲུག་སྤངས་པ་རྣམས་སོ།། གསོལ་པ། བཅོམ་ལྡན་འདས་འགྲམ་དུ་ཕྱིན་པ་རྣམས་གང
iiif viewer powered by OpenSeadragon
