| e-texts navigator |
| Wylie |
165b1 སེམས་བྱང་ཆུབ་སེམས་དཔའ་སྟོང་ཕྲག་བཅུ་གཉིས་པོ་དེ་དག་དང་ལྷན་ཅིག་ཏུ་བཅོམ་ལྡན་འདས་ག་ལ་བ་དེར་དོང་ནས་ཕྱིན་པ་དང་། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ
165b2 ཏེ་ལན་གསུམ་བསྐོར་བ་བྱས་ནསབཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་ནས། བཅོམ་ལྡན་འདས་ལ་ཚིགས་སུ་བཅད་པ་དག་གིས་རྣམ་པ་མང་པོར་མངོན་པར
165b3 བསྟོད་དོ།། རྣམ་པར་སླ་བསྒྲགས་སྲིད་པ་གསུམ་དུ་གྲགས།། བསྔགས་པའི་འཕྲེང་བ་འཇིག་རྟེན་ཀུན་ཏུ་རྒྱུ།། བདག་གིས་སེམས་ཅན་མཆོག་རྣམས་ཞིང་ན་མཐོང་།། དེ་དག་ཀུན
165b4 ཀྱང་ཁྱོད་ཀྱི་ཡོན་ཏན་གསུངས།། འདི་ནི་ཡོངས་སུ་དག་པའི་ཞི་མཆིས་ཏེ།། དྲི་མ་མ་མཆིས་ངན་སོང་གསུམ་སྤངས་པ།། དེ་བདྲའི་ཞིང་རྣམས་དེ་དྲག་རྣམས་སྤངས་ནས།། ཁྱོད་།
165b5 ཀྱི་ཐུགས་རྗེས་ངན་པ་ཡོངས་སུ་བཟུང་།། འཇིག་རྟེན་མགོན་ཁྱོད་ཡེ་ཤེས་དམན་མ་མཆིས།། མ་ལུས་བདེ་བར་གཤེགས་དང་ཁྱོད་དུ་མཚུངས།། ཤིན་ཏུ་རྣམ་དགྲ་བསམ་པ་སྔོན་མཛད
165b6 པ་འདི་འདྲ་བ་ཡི་ཞིང་འདི་ཁྱོད་ཀྱི་བཟུང་།། ཚུལ་ཁྲིམས་ཐམས་ཅད་རྣམ་དག་འདོད་སྤངས་ནས།། གང་ཞིག་བསྐལ་པར་གཞན་ན་སྤྱོད་པ་བས།། སུ་དག་བྱམས་པའི་སེམས་ཀྱིས་ཤིན་ཏུ
165b7 འདིར།། སྐད་ཅིག་སྤྱོད་ནའང་འདི་ནི་ཁྱད་པར་འཕགས།། ལུས་དང་ངག་དང་འོན་ཏེ་ཡིད་ཀྱིས་ཀྱང་།། གང་ལ་ཉེས་བགྱིས་རྣམ་པ་གསུམ་མཆིས་ཏེ།། ངན་སོང་གསུམ་དུ་མྱོང་བར་གང་འགྱུར་བ།
iiif viewer powered by OpenSeadragon
