| e-texts navigator |
| Wylie |
157a1 མཐའ་དེ་ནི་མི་གནས་པ་ཉིད་དེ། དེ་ལྟར་མོས་སོ།། སྨྲས་པ་བཙུན་པ་ཤཱ་རིའི་བུ་ཁྱོད་ཆོས་ཀྱི་དབྱིངས་ནི་ཕུང་པོར་མི་འདུག་པའི་དབྱིངས་ཡིན་པ་དང
157a2 ཆོས་གང་ཡང་སྐྱེ་བ་འམ། འགག་པ་མེད་པའམ། ཆོས་གང་ཡང་ཕུང་པོར་འདུག་པ་མེད་པར་མོས་སམ། སྨྲས་པ། མོས་སོ།། སྨྲས་པ། ཇི་ལྟར་མོས། སྨྲས་པ
157a3 འཇམ་དཔལ་ཆོས་གྲང་ཡང་སྐྱེ་བའམ། འགག་པའམ། ཕུང་པོར་འདུག་པ་དེ་ནི་མི་དམིགས་ཏེ། དེ་ལྟར་མོས་སོ།། སྨྲས་པ། བཙུན་པ་ཤཱ་རིའི་བུ་ཁྱོད་ཤེས་རབ
157a4 གང་ཡིན་པ་དེ་ཆོས་ཀྱི་དབྱིངས་ཡིན་ལ།། ཆོས་ཀྱི་དབྱིངས་གང་ཡིན་པ་དེ་ཤེས་རབ་ཡིན་ཏེ། ཆོས་ཀྱི་དབྱིངས་ཞེས་བྱ་བའི་མིང་ཡང་ཐོབ་པ་དང་། དེའི་ཕྱིར་ཡང་དགྲ་བཅོམ་པ
157a5 ཞེས་བྱ་བར་མོས་སམ། སྨྲས་པ།། མོས་སོ།། སྨྲས་པ། ཇི་ལྟར་མོས། སྨྲས་པ།། འཇམ་དཔལ་རྟོགས་པར་འགྱུར་བའི་ཤེས་རབ་ཀྱིས་དགྲ་བཅོམ་པ་ཉིད་དུ་འགྱུར་བ་དེ
157a6 བཞིན་དུ། ཆོས་ཀྱི་དབྱིངས་ཡོངས་སུ་ཤེས་པར་ཟད་ཀྱི། ཆོས་ཀྱི་དབྱིངས་ཡོངས་སུ་ཤེས་པ་ནི་འདོད་ཆགས་ཀྱི་བདག་ཉིད་དམ།། ཞེ་སྡང་གི་བདག་ཉིད་དམ། གཏི་མུག་གི
157a7 བདག་ཉིད་ཀྱང་མ་ཡིན་ལ། ཆོས་ཀྱི་དབྱིངས་ལས་ཀྱང་དགྲ་བཅོམ་པ་གཞན་དུ་མེད་དེ། དེ་ལྟར་མོས་སོ།། སྨྲས་པ། བཙུན་པ་ཤཱ་རིའི་བུ་ཁྱོད་ཆོས་ཐམས་ཅད་སངས་རྒྱས་ཀྱི་ཁྱུ་མཆོག།
iiif viewer powered by OpenSeadragon
