| e-texts navigator |
| Wylie |
145b1 པ་མདོ་སྡེ་འདི་ལྔ་བུ་དགྲ་ཡོངས་སུ་ཞུ་བའི་སླད་དུ། བཅོམ་ལྡན་འདས་ཀྱི་ཐང་དུ་མཆིས་ནསྲ། ཞུས་པའང་ལགས་པར་སྦས་པ་ལེགས་སོ།། བཅོམ་ལྡན་འདས་མི་མཇེད་ཀྱི་བདག་པོ་ཚ
145b2 པས་གལ་ཏེ་དགེ་བའི་རྩ་བ་གནན་མ་མཆིས་ན་འང་།། ཞུ་བ་ཞུས་པའི་མོད་ལས་སྐྱེས་པའི་དགེ་བའི་རྩ་བ་དེ་ཁོ་ནས་མྱུར་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར
145b3 རྫོགས་པར་འཚང་རྒྱ་ལགས་སོ།། དེ་ཅིའི་སླད་དུ་ཞེ་ན། བཅོམ་ལྡན་འདས་དགེ་བའི་རྩ་བ་འདིའི་མཐའ་དང་མུ་ནི། ཉན་ཐོས་དང་རང་སངས་རྒྱས་ཐམས་ཅད་ཀྱིས་རྟོགས་པར་རྔོ་ཐོགས
145b4 པའི་སླད་དུའོ།། དེ་ཅིའི་སླད་དུ་ཞེ་ན། བཅོམ་ལྡན་འདས་འདི་ལྟར་མི་མཇེད་ཀྱི་བདག་པོ་ཚངས་པས་ཞུ་བ་འདི། སེམས་ཅན་ཐམས་ཅད་ཀྱི་སྤྱིའི་དོན་དུ་ཞུས་པའི་སླད་དུའོ།། བཅོམ་ལྡན
145b5 འདས་ཀྱིས་བཀའ་སྩལ་པ། ཀུན་དགའ་བོ་དེ་དེ་བཞིན་ཏེ། དེ་དེ་བཞིན་ནོ།། དེ་ནས་བཅོམ་ལྡན་འདས་ལ། ཚེ་དང་ལྡན་པ་ཀུན་དགའ་བོས་འདི་སྐད་ཅེས་གསོལ་ཏོ།། བཅོམ་ལྡན་འདས་ཆོས་ཀྱི་རྣམ
145b6 གྲངས་འདིའི་མིང་ཅི་ལགས། འོད་ཇི་ལྟར་གཟུང་བར་བགྱི། བཅོམ་ལྡན་འདས་ཀྱིས་བཀའ་སྩལ་པ། ཀུན་དགའ་བོ་དེའི་ཕྱིར་ཁྱོད་ཀྱིས་འདི་ཚུངས་པས་ཞུས་པ་ཞེས་བྱ་བར་ཟུང་ཞིག། དྲན་པ་ཉེ་བར
145b7 གཞག་པའི་ཚུལ་བསྟན་པ་ཞེས་བྱ་བར་ཡང་ཟུང་ཞིག། བག་ཡོད་པའི་ཚུལ་བསྟན་པ་ཞེས་བྱ་བར་ཡང་ཟུང་ཞིག། བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས
iiif viewer powered by OpenSeadragon
