| e-texts navigator |
| Wylie |
143a1 བྱེད་པའི་ཆོས་རྣམས་ཀྱི་ཡང་དག་པར་འགྲུབ་པའང་རབ་ཏུ་ཤེས་སོ།། འབྲས་བུ་དང་ཞི་བ་ཉིད་ཀྱང་རབ་ཏུ་ཤེས་སོ།། བྱང་ཆུབ་སེམས་དཔའ་ཡང་དག་པར
143a2 འགྲུབ་པར་བྱེད་པའི་ཆོས་རྣམས་ཀྱི་ཚོགས་ཀྱི་ལམ་ཡང་རབ་ཏུ་ཤེས་སོ།། ཡེ་ཤེས་ཀྱི་ལམ་ཡང་རབ་ཏུ་ཤེས་སོ།། ཤེས་ནས་ཀྱང་ཚོགས་ཀྱི་ལམ་དང་ཡེ་ཤེས་ཀྱི་ལམ་ལ་བརྩོན་པར
143a3 བྱེད་དོ།། སངས་རྒྱས་ཉིད་ཡང་དག་པར་འགྲུབ་པར་བྱེད་པའི་ཆོས་རྣམས་ཀྱི་རྫུ་འཕྲུལ་ཆེ་བ་ཉིད་ཀྱང་རབ་ཏུ་ཤེས་སོ།། མཐུ་ཆེ་བ་ཉིད་དང་ག་དམ་པ་ཉིད་དང་། རབ་མཆོག་ཉིད་དང
143a4 ཕུལ་དུ་བྱུང་བ་ཉིད་དྲང་། ཆེ་བ་ཉིད་དང་གཉན་ཐོས་དང་། རང་སངས་རྒྱས་དང་། བྱང་ཆུབ་སེམས་དཔའ་ཐམས་ཅད་དང་ཐུན་མོང་བའང་མ་ཡིན་ན། གཞན་སེམས་ཅན་ལྟ་སྨོས་ཀྱང་ཅི་དགྲོ།
143a5 པའི་ཐུན་མོང་མ་ཡིན་པ་ཉིད་ཀྱང་རབ་ཏུ་ཤེས་སོ།། དེ་དེ་ལྟར་ཆོས་རྣམས་ལ་ཆོས་ཀྱི་རྗེས་སུ་ལྟ་ཞིང་།། དྲན་པ་ལེགས་པར་ཉེ་བར་གནས་ལ། སྡིག་པའི་ཆོས་ཐམས་ཅད་དང་ནི་བྲལ། དགེ་བའི
143a6 ཆོས་ནི་ཡང་དག་པར་ཐོབ་པ་ལུས་ཀྱི་གནོད་པ་ནི་མེད།། རྣམ་པར་ཤེས་པ་སྲ་འཕངས་པ་ནི་མེད། སེམས་ཀྱིས་འཕངས་པ་ནི་མེད་ལ།། ཆོས་རྣམས་ཀྱི་རྒྱུའི་ཚོགས་དང་། འབྲས་བུ་ཡང་དག་པ
143a7 ཇི་ལྟ་བ་བཞིན་དུ་ཤེས་པས།། དཔེར་ན་རྒྱ་མཚོའི་རླབས་བཞིན་དུ་དགེ་བའི་ཆོས་རྣམས་ཀྱིས་རྣམ་པར་འཕེལ་ཏེ། ཇི་ལྟར་རྒྱ་མཚོའི་རླབས་འབྲི་ཞིང་། ཡང་འབྱུང་བ་ལྟར་བྱང་ཆུབ་སེམས
iiif viewer powered by OpenSeadragon
