| e-texts navigator |
| Wylie |
141a1 བྱ། ནང་དུ་ཡང་དག་བཞག་ནས་མིང་དང་ཡི་གེ་ཇི་ལྟར་ཐོས་པ་རྣམས་ངེས་པའི་ཚིག་གིས་གདགས་པས་ཀཡང་དག་པར་འཇོག་ཅིང་། ཡི་གེ་དེ་དག་ལ་ཉེ་བར་རྟོག་སྟེ
141a2 དེ་དེ་ལྟར་ཉེ་བར་རྟོག་པ་ན་ཡི་གེ་རྣམས་གསོག་དང་གསོབ་ཏུ་མཐོང་ངོ་།། དེ་ཡི་གེ་རྣམས་གསོག་དང་གསོབ་ཏུ་མཐོང་ནས་མིང་རྣམས་ཀྱང་གསོག་དང་གསོབ་ཏུ་མཐོང་ངོ་།། གང་ལ་མིང
141a3 དེ་འདོགས་པ་དེ་བང་གསོག་དང་གསོབ་ཏུ་མཐོང་ངོ་།། དེ་གཟུགས་གང་དང་གང་སྣང་བ་དེ་དང་དེའང་གསོག་དང་གསོབ་ཏུ་སྣང་ངོ་།། དེས་གསོག་དང་གསོབ་ཏུ་སྣང་བས་ཡང་དག་པ་ཇི
141a4 ལྟ་བ་བཞིན་དུ་ཡོངས་སུ་ཤེས་པར་འགྱུར་རོ།། ཡང་དག་པ་ཇི་ལྟ་བ་བཞིན་དུ་ཡོངས་སུ་ཤེས་པས། དེ་ལ་འདུས་བྱས་རྨི་ལམ་དང་འདྲ་བར་སྣང་ངོ་།། དེ་ལ་བྱང་ཆུབ་སེམས་དཔའ་སོ་སོར
141a5 བརྟགས་ནས་སེམས་ཅན་ལ་ལྟ་བས་སྙིང་རྗེ་ཆེན་པོའི་སེམས་ཉེ་བར་བཞག་ནས་གནས་སོ།། དེ་འཆལ་པའི་ཤེས་རབ་ཀྱི་སེམས་གདུལ་བའི་ཕྱིར་ཤེས་རབ་སྒོམ་པར་བྱེད་དོ།། ཇི་ལྟར
141a6 སྒོམ་པར་བྱེད་ཅེ་ན།། དེ་ཀུན་རྫོབ་ཀྱི་ཚུལ་དུ་བཤད་པའམ། དོན་དམ་པའི་ཚུལ་དུ་བཤད་པའི་མདོ་སྡེ་གང་དྲག་ཡིན་པ་དེ་དག་བརྗོད་པ་གསལ་ཞིང་། ཟུར་ཕྱིན་པ་དག་གིས་མངོན་པར་འཛིན
141a7 ཏོ། མ་ནོར་བར་ཆོས་སྟོན་པ་ལས་བཟུང་ནས་ཀྱང་། མ་ནོར་བའི་བསམ་པས་སེམས་པར་བྱེད་དོ།། བསྒོམ་པའི་རྣལ་འབྱོར་ལའང་བརྩོན་པར་བྱེད་དོ།། དེ་ཡེ་ཤེས་ཀྱི་སྟོབས་དང་ཤེས
iiif viewer powered by OpenSeadragon
