| e-texts navigator |
| Wylie |
138b1 བར་བྱ་བའི་ཕྱིར་མ་མིན་གྱི་གཞན་དུན་ཇི་ཙམ་ཕྲ་ལལ་བཀལ་པ་བསྐུར་བ་འབྱོར་རོ།། དེ་བཞིན་དུ་བྱང་ཆུབ་སེམས་དཔའ་དུ་ཟས་བུབའང་ལུས་བརྟན་པའི་ཕྱིར་ཟས་ཟ་པ་ས་མི
138b2 བདེ་བར་བྱ་བའི་ཕྱིར་མ་ཡིན་ཏེ། གཞན་དུ་ན་ཇི་ཙམ་དུ་ལུས་དང་འབྲེལ་བའི་དགེ་བའི་ཕྱོགས་བསྔལ་པོའི་ཕྱིར་རོ་སྙམ་དུ་སེམས་ཉེ་བར་གཞག་པར་བྱའོ།། ཚངས་པ་གལ་ཏེ་བྱང
138b3 ཆུབ་སེམས་དཔའ་དེ་བཞིན་གཤེགས་པས་གསུངས་པའི་གཉེན་པོས་སེམས་ཤེས་པར་བྱེད་མི་ནུས་ན། དེས་འདི་སྙམ་དུ་བསམ་པར་བྱ་སྟེ། སེམས་ཞེས་བྱ་བ་འདི་ནི་མཐར
138b4 ཕྱིན་པར་དཀའ་བ་མི་མཐུན་པ་འཛིན་པ་། འཁོར་བ་ལ་མངོན་དུ་ཕྱོགས་པ། དགེ་བའི་ཕྱོགས་ལ་མི་ཕྱོགས་པ། ཡུལ་ལ་མངོན་དུ་ཕྱོགས་པ། དབེན་པ་ལ་མི་ཕྱོགས་པ་བདེ
138b5 བ་ལ་མངོན་དུ་ཕྱོགས་པ་སྡུག་བསྔལ་ལ་མི་ཕྱོགས་པ་སྨྲ་བ་ལ་དགའ་བ་ལ་མངོན་དུ་ཕྱོགས་པ་སྤྲོས་པ་ལ་མངོན་དུ་ཕྱོགས་པ། དེ་ཁོ་ན་ལ་རྣམ་པར་ལྟ་བ་ལ་མི་ཕྱོགས་པ།
138b6 མི་གཙང་བ་ལ་མངོན་ཕྱོགས་པ། གཙང་བ་ལ་མི་ཕྱོགས་པ། གདུལ་དཀའ་བ། གཟུང་དཀའ་བ་གནས་མེད་པ་རྟེན་མེད་པ་གསོག། གསོབ་སྐད་ཅིག་པ།
138b7 རྒྱུ་དང་རྐྱེན་ཚོགས་པ་ལས་བྱུང་བ་ཡིན་ན་མཁས་པའི་རང་བཞིན་ཅན་སུ་ཞིག་འདི་ལྟ་བུའི་རང་བཞིན་ཅན་གྱི་སེམས་ཀྱི་དབང་དུ་འགྲོ་ཞིང་། རྗེས་སུ་འཇུག་སྙམ་དུ་བསམ་མོ།།
iiif viewer powered by OpenSeadragon
