| e-texts navigator |
| Wylie |
137b1 ས་ལེ་སྣུ་མ་དང་དངུལ་ལ་སོགས་པ་དང་གོས་དང་རྒྱུན་གྱི་རྣམ་པ་དག་དང་། ནོར་དང་འབྲུ་དང་། མཛོད་དང་བང་བའི་རྣམ་པ་དེ་དག་ལ་ཆགས་པ་མི་སྐྱེད་པ་དེ་དག་ལ་རྣམ
137b2 པར་རྟོག་པར་མི་བྱེད་ཅིང་རྐུང་ཕྲོག་མི་བྱེད་དོ།། རྐུ་འཕྲོག་བྱེད་དུ་མི་འཇུག་གོ།། རྐུ་འཕྲོག་བྱེད་པ་རྣམས་ལ་རྗེས་སུ་ཡི་རང་བར་མི་བྱེད་དོ།། ད་གྲོང་ན་ཡོད་པའམ། དབོན་པ་ན་ཡོད་པ
137b3 མ་ཡིན་ཞིང་ག་མ་གནང་བ་རྩཝའི་འདབ་མ་ཙམ་ཡང་ལེན་པར་མི་བྱེད་དོ།། ཇི་ལྟར་ན་མི་ཚངས་པར་སྤྱོད་པ་སྤོང་བ་ཡིན་ཞེ་ན། ཚངས་པ་འདི་ལ་བྱང་ཆུབ་སེམས་དཔའ་དབང་པོ་རྣམས་ཀྱི་སྒོ
137b4 ལེགས་པར་བསྲུང་སྲ་ཤིང་གནས་པ་ཡིན། ལེགས་པར་བསྡམས་པ་ཡིན།། འཐུན་པའི་གནས་སུ་རྒྱུ་བ་ཡིན། ཤིན་ཏུ་བསྲུངས་པའི་དྲན་པ་དང་ལྡན་པ་ཡིན། རྟག་ཏུ་བསུངས་པའི
137b5 དྲན་པ་དང་ལྡན་པ་ཡིན་པ་དེ་དྲན་པས་ཡིད་ཀུན་ཏུ་བསྲུངས་པ་ཡིན།། ལུས་དང་ངག་ཤིན་ཏུ་བསྡམས་པ་ཡིན་ནོ།། འཐུན་པའི་གནས་སུ་རྒྱུ་ལ་དྲན་པ་དང་ལྡན་པ་ཡིན་ཞིང་འདི་སྙམ
137b6 དུའང་སེམས་བསྐྱེད་དེ་ག་མི་ཞིག་གིས་བྱེ་མ་ཞིབ་མོ་ཤིན་ཏུ་བསྲེགས་པ་ལག་པ་གཉིས་ཀྱི་སྙིམ་པར་བླངས་ཏེ་མིག་གཉིས་བཀང་བ་ནི་བླའི།། ཆགས་པའི་སེམས་ཀྱིས་ཡུལ་གྱི་བཟང་མོ
137b7 ལ་ལྟ་བ་ནི་དེ་ལྟ་མ་ཡིན་ནོ།། དེ་ཅིའི་ཕྱིར་ཞེ་ན། བདག་ཡུལ་གྱི་བཟང་མོ་ལ་བལྟས་པས།། ཡུན་རིང་པོར་ཕུང་ཞིང་བཅོམ་ལ་མ་རུང་བར་གྱུར་པའི་ཕྱིར་རོ་སྙམ་མོ།། དེ་དེ་ལྟར་ལུས་ལ་ལུས་ཀྱི་རྗེས
iiif viewer powered by OpenSeadragon
