| e-texts navigator |
| Wylie |
135b1 དེ་གད་ཅེས་གསོལ་པ་དང་། བཅོམ་ལྡན་འདས་ཀྱིས།། མི་མཇེད་ཀྱི་བདག་པོ་ཚུངས་པལ་འདི་སྐད་ཅེས་བཀའ་སྩལ་ཏོ།། ཚངས་པ་བྱང་ཆུབ་སེམས་དཔའ་སེམས་དཔའ་ཆེན་པོ་དག་ཆོས
135b2 གཅིག་དང་ལྡན་ན།། མྱུར་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱའོ།། ཆོས་གཅིག་གང་ཞེ་ན། འདི་ལྟ་སྟེ། ལུས་ཀྱི་རྗེས་སུ་སོང་བའི་དྲན་པའོ།
135b3 ཚངས་པ་བྱང་ཆུབ་སེམས་དཔའི་ལུས་ཀྱི་རྗེས་སུ་སོང་བའི་དྲན་པ་ཇི་ལྟ་བུ་ཡིན་ཞེ་ན། ཚངས་པ་འདི་ལ་བྱང་ཆུབ་སེམས་དཔའ་ནི་འགྲོའོ་སྙམ་པའི་དྲན་པ་དང་ལྡན་པ་ཡིན་ཞིང་།། ཡང་དག་པ་ཇི་ལྟ་བ་བཞིན་དུ་རབ
135b4 ཏུ་ཤེས་སོ།། ལྡོག་གོ་སྙམ་དུ་དྲན་པ་དང་ལྡན་པ་ཡིན་ཞིང་། ཡང་དག་པ་ཇི་ལྟ་བ་བཞིན་དུ་རབ་ཏུ་ཤེས་སོ།། ཉལ་ལོ་སྙམ་པ་དང་། ལྡང་ངོ་སྙམ་པ་དང་། འཆག་གོ་སྙམ་པ་དང་། འདུག་གོ།
135b5 སྙམ་དུ་དྲན་པ་དང་ལྡན་པ་ཡིན་ཞིང་ཡང་དག་པ་ཇི་ལྟ་བ་བཞིན་དུ་རབ་ཏུ་ཤེས་སོ།། དེ་གཅིག་པུ་དབེན་པར་འདུག་སྟེ། ནང་དུ་ཡང་དག་བཞག་ནས་འཁྲུག་པ་མེད་པའི་ཡིད་ཀྱིས་ལུས་འདི་ཉིད་ལ
135b6 འདི་ལྟ་སྟེ། ཀྱེ་མ་ལུས་འདི་ནི་མི་བརྟན་པ། མི་རྟག་པ། རང་བཞིན་གྱིས་ཉམ་ཆུང་བ། སྙིང་པོ་མེད་པ།། ཐེར་ཟུག་མ་ཡིན་པ། རྣམ་པར་འཐོར་བའི་ཆོས་ཅན།། རྣམ་པར་འཇིག་པའི་ཆོས
135b7 ཅན་རྟེན་ཅིང་འབྲེལ་པར་འབྱུང་བ་སྒྱུ་མ་དང་འདྲ་བ་ཟིལ་པའི་ཐིགས་པ་དང་འདྲ་བ། གཡོ་བ། མི་གནས་པ། མི་གཙང་བ། རྣག་གི་དྲི་ང་བ་ཅན། རླུང་དང་ཉིམས་མཐར
iiif viewer powered by OpenSeadragon
