| e-texts navigator |
| Wylie |
129b1 ཐམས་ཅད་མི་བཙལ་པར་དམ་པའི་ཆོས་ཡོངས་སུ་གཟུང་བའི་སླང་དུ་གོ་ཆ་དགོ་བར་བགྱིའོ།། ཆོས་ཀྱི་རྣམ་གྲངས་འདི་བཤུད་པན། བྱང་ཆུབ་སེམས་དཔའ་ནམ་མཁའ་མཛོད་ཀྱི་བསྐྱོད་ནམས་ཀྱི།
129b2 པར་སྨིན་པའི་རྒྱུ་འཐུན་པས། ཕྱོགས་བཅུའི་སངས་རྒྱས་ཀྱི་ཞིང་དཔག་ཏུ་མེད་པ་ནས་བྱང་ཆུབ་སེམས་དཔའ་ནམ་མཁའ་མཛོད་དང་བློ་མཉམ་པའི་བྱང་ཆུབ་སེམས་དཔའ་རྣམས་ཀྱིས་ཆོས་ཀྱི་རྣམ་གྲངས
129b3 འདྲིལ་མཆོད་པ་བྱ་བའི་ཕྱིར། ནམ་མཁའི་དཀྱིལ་ནས་མེ་ཏོག་གི་ཆར་མངོན་པར་རབ་ཏུ་བབ་བོ།། བར་སྣང་ལས་ཀྱང་སྒྲ་འདི་སྐད་ཅེས་བྱང་ཆུབ་སེམས་དཔའ་སེམས་དཔའ་ཆེན་པོ་ནམ་མཁའ
129b4 མཛོད་ཀྱིས་འདུས་པའི་ལེའུ་འདི་བརྒྱད་དེ།། ཡོངས་སུ་བཟུང་བའི་བར་དུ་སངས་རྒྱས་ཀྱི་བྱ་བ་བྱས་སོ།། བྱང་ཆུབ་ཀྱི་སེམས་དང་མ་བྲལ་བའི་སེམས་ཅན་གང་དགུ་ཆོས་ཀྱི་རྣམ་གྲངས་འདི་འཛིན་པར
129b5 འགྱུར་བ་དེ་དག་ཀྱང་དེ་བཞིན་དུ་དམ་པའི་ཆོས་བརྒྱན་པར་འགྱུར་རོ།། དེ་ནུས་བཅོམ་ལྡན་འདས་ཀྱིས་དེའི་ཚེ་སྐུ་ལས་འདི་ལྟ་བུའི་འོད་རབ་ཏུ་བཏང་བས་། འོད་དེས་ཕྱོགས་བཅུའི་སངས་རྒྱས་ཀྱི་ཞིང
129b6 ཐམས་ཅད་རྒྱས་པར་གང་བར་གྱུར་ཏོ།། ཆོས་ཀྱི་རྣམ་གྲངས་འདིའི་ཐོག་མ་དང་། བར་མ་དང་། ཐ་མ་བཤད་པ་ན་སེམས་ཅན་དཔག་ཏུ་མེད་གྲངས་མེད་པ་ནི་བྱང་ཆུབ་ཏུ་སེམས་སྐྱེས
129b7 སོ།། སེམས་ཅན་དཔག་ཏུ་མེད་གྲངས་མེད་པ་དག་ནི་བཟོད་པ་ཐོབ་པར་གྱུར་ཏོ།། སེམས་ཅན་ལ་ལ་དག་ནི་སེམས་རྣམ་པར་གྲོལ་ལོ།། ལལ་དག་ནི་ཆོས་ཀྱི་མིག་རྣམ་པར་དག་གོ
iiif viewer powered by OpenSeadragon
