| e-texts navigator |
| Wylie |
121a1 གང་ཡང་ཆོས་འདི་མཉན་ཏོ།། རྒྱལ་པོ་རྣམས་ཀྱང་སླུ་བར་བགྱིད།། སྡེ་བོ་ཆེན་པོ་བྱེད་འགྱུར་ཡང་།། སངས་རྒྱས་ཀྱིས་ནི་བྱིན་རླབས་ཀྱིས།། སེམས་ཅན་དེ་དག
121a2 ཆོས་ཉན་འགྱུར།། དུས་ངན་དེ་ཚེ་བདག་ཅག་རྣམས།། སེམས་ཅན་དག་ལ་ཕན་སླད་དུ།། ལུས་དང་སྲོག་ཀྱང་རབ་བཏང་སྟེ།། དམ་དུའི་ཆོས་ནི་གཟུང་བར་བགྱི།། འཇིགས་པ་ཆེན་པོའི་དུས་དེ་ན།། །
121a3 ཚིག་ཙམ་དུ་ནི་མ་ལགས་ཀྱི།། སྒྲུབ་པ་སྙིང་པོར་བགྱིད་པར་ཡང་།། མགོན་པོས་བདག་ཅག་བསམ་པ་མཁྱེན།། དམ་ཆོས་འདི་ནི་ཡོངས་བཟུང་ན།། བསོད་ནམས་ཚོགས་ནི་ཇི་ཙམ་མཆིས།།
121a4 ཆོས་ཀྱི་རྒྱལ་པོ་འོད་མཛད་པ། འཇིག་རྟེན་སྣང་བར་མཛད་ལ་ཞུ།། དེའི་ཚེ་བཅོམ་ལྡན་འདས་ཀྱིས།། བྱང་ཆུབ་སེམས་དཔའ་ནམ་མཁའ་མཛོད་ལ་བཀའ་སྩལ་པ། རིགས་ཀྱི་བུ་འདི་ལྔ་སྟེ
121a5 དཔེར་ན་ཤར་ཕྱོགས་ཀྱི་སྟོང་སུམ་ཅུའི་འཇིག་རྟེན་གྱི་ཁམས་རེ་རེའང་རྡུལ་ཕྲན་རབ་ཀྱི་ཆར་རྡུལ་ཕྲ་རབ་ཀྱི་རྡུལ་དུ་བཤིག་ལ། དེ་བཞིན་དུ་ལྷོ་དང་། ནུབ་དང་། བྱང་དང་། སྟེང་དང་། འོག་དང་། ཕྱོགས་བཅུ
121a6 ཀུན་ཏུ་སྟོང་སུམ་ཅུའི་འཇིག་རྟེན་གྱི་ཁམས་རེ་རེ་རང་རྡུལ་ཕྲ་རབ་ཀྱི་ཆར་རྡུལ་ཕྲ་རབ་ཀྱི་རྡུལ་དུ་བཤིག་སྡེ། དེ་ནས་རྡུལ་ཕྲ་རབ་དེ་དག་ཐམས་ཅད་ཇི་སྙེད་པ་རུ་ཤར་ཕྱོགས་སུ་སངས་རྒྱས་ཀྱི་ཞིང་དེ
121a7 སྙེད་འདས་ཤིང་རྡུལ་ཕྲ་རབ་ཀྱི་རྡུལ་གཅིག་བཞག་ལ། ཚུལ་དེ་ལྟ་བུར་ཤར་ཕྱོགས་སུ་རྡུལ་ཕྲ་རབ་དེ་དག་ཐམས་ཅད་ཟད་ཟད་དུ་བནག་ཀྱང་། ཤར་ཕྱོགས་ཀྱི་སངས་རྒྱས་ཀྱི་ཞིང་གི་མཐར
iiif viewer powered by OpenSeadragon
