| e-texts navigator |
| Wylie |
99b1 པ་དང་། འབྱུང་བའི་སེམས་ཀྱིས་ཡང་དག་པར་བསྒྲུབ་པའོ།། གཞན་ཡང་གསུམ་སྟེ། དོན་ལ་རྟོན་པའི་ཟོས་པ་དང་། ཡེ་ཤེས་ལ་རྟོན་པའི་སོ་སོར་རྟོག་པ་དང་། ཆོས་ལ་རྟོན་པའི
99b2 རྣམ་པར་གྲོལ་བའོ།། གཞན་ཡང་གསུམ་སྟེ། མང་དུ་ཟོས་ཏེ་དགོན་པ་ན་གནས་པ་དང་། དགོན་པ་ན་གནས་ཏེ་ཚུལ་བཞིན་ཡིད་ལ་བྱེད་པ་དང་། ཚུལ་བཞིན་ཡིད་ལ་བྱེད་པ་ལ་རབ་ཏུ་བརྩོན་ཏེ
99b3 ཆོས་ཐམས་ཅད་རྗེས་སུ་རྟོགས་པའོ།། གཞན་ཡང་གསུམ་སྟེ། མཁས་པ་རྣམས་ལ་བསྙེན་བཀུར་བྱེད་པ་དང་། མང་དུ་ཟོས་པ་རྣམས་ལ་འདྲི་བ་དང་། བསམ་གཏན་པ་རྣམས་ཀུན་ཏུ་སྲུང་བའོ།།
99b4 གཞན་ཡང་གསུམ་སྟེ། ཟང་ཟིང་མེད་པའི་སེམས་ཀྱིས་ཆོས་སྦྱིན་པ་དང་། ཆོས་ཉན་པ་རྣམས་ལ་བྱམས་པ་ཉེ་བར་སྒྲུབ་པ་དང་། ཐམས་ཅད་མཁྱེན་པའི་སེམས་མངོན་དུ་བྱེད་པའི་ལས་སོ།།
99b5 གཞན་ཡང་གསུམ་སྟེ། སེམས་མཉམ་པ་ཉིད་པས་སེམས་ཅན་མཉམ་པ་ཉིད་དང་། ཐ་དད་པ་མེད་པ་ཉིད་པས་ཆོས་མཉམ་པ་ཉིད་དང་། ཡེ་ཤེས་མཉམ་པ་ཉིད་པས་སངས་རྒྱས་མཉམ་པ་ཉིད་དོ།།
99b6 གཞན་ཡང་གསུམ་སྟེ། ཡེ་ཤེས་ཀྱི་དུས་གསུམ་མཉམ་པ་ཉིད་དང་། བློས་རྣམ་པར་ཐར་པ་གསུམ་མཉམ་པ་ཉིད་དང་། ཡོངས་སུ་ཤེས་པས་ཁམས་གསུམ་མཉམ་པ་ཉིད་དོ།། གཞན་ཡང་གསུམ་སྟེ།
99b7 འདུ་བྱེད་ཐམས་ཅད་ལ་མི་རྟག་པ་དང་། སྡུག་བསྔལ་བར་སོ་སོར་རྟོག་པ་དང་། ཆོས་ཐམས་ཅད་ལ་བདག་མེད་པར་སོ་སོར་རྟོག་པ་དང་། མྱ་ངན་ལས་འདས་པ་ལ་ཞི་བར་རྟོག་པའོ།། གཞན
iiif viewer powered by OpenSeadragon
