| e-texts navigator |
| Wylie |
97b1 འགེད་པས་ལོངས་སྤྱོད་ཆེ་བའོ།། གཞན་ཡང་གསུམ་སྟེ། དོན་དམ་པར་བདེན་པས་བདེན་པ་དང་། མི་སྦུ་བས་ཡང་དག་པ་དང་། དེ་བཞིན་ཉིད་པས་དེ་ཁོ་ནའོ།། གཞན་ཡང་བསུམ
97b2 བདག་ཅི་འདྲ་བ་ཞེས་བདག་ཤེས་པ་དང་། གཏམ་ཅི་འདྲ་བ་ཞིག་བྱ་ཞེས་སེམས་ཅན་ཤེས་པ་དང་། དུས་སུ་གནས་པས་དུས་ཤེས་པའོ།། གཞན་ཡང་གསུམ་སྟེ། ཕུང་པོ་རྣམས་ལ་ཆོས
97b3 ཀྱི་ཕུང་པོ་དང་མཉམ་པ་ཉིད་དང་། ཁམས་ལ་ཆོས་ཀྱི་དབྱིངས་དང་མཉམ་པ་ཉིད་དང་། སྐྱེ་མཆེད་རྣམས་ལ་གྲོང་སྟོང་པ་ལྟར་སོ་སོར་རྟོག་པའོ།། གཞན་ཡང་གསུམ་སྟེ། རྒྱུའི་འབྲས་བུ
97b4 ཆུང་མི་གཟོན་པ་དང་། རྐྱེན་རྣམས་ཀྱི་འཕེལ་བ་ལ་མཁས་པ་དང་། ཚོགས་ནས་ཕན་ཚུན་ཡང་དག་པར་འདུ་བའོ།། གཞན་ཡང་གསུམ་སྟེ། སངས་རྒྱས་དང་མི་འགལ་བ་དང་། ཆོས
97b5 མི་སྤོང་བ་དང་། དགེ་འདུན་ལ་ང་རྒྱལ་མེད་ཅིང་བླ་མར་གུས་པར་བསྙེན་བཀུར་བྱེད་པའོ།། གཞན་ཡང་གསུམ་སྟེ། འདོད་ཆགས་རབ་ཏུ་ཞི་བ་དང་། ཞེ་སྡང་དང་བྲལ་བ་དང་། གཏི་མུག་ཡང
97b6 དག་པར་བཅོམ་པའོ།། གཞན་ཡང་གསུམ་སྟེ། ཀུན་རྫོབ་ཀྱི་བདེན་པ་ལ་འཇུག་པ་དང་། མཚན་ཉིད་ཀྱི་བདེན་པ་སྟོན་པ་དང་། དོན་དམ་པའི་བདེན་པ་ལ་གནས་པའོ།། གཞན་ཡང་གསུམ
97b7 སྟེ། སེམས་ཅན་རྣམས་ལ་བརྙས་པ་མེད་པ་དང་། སྦྱིན་གནས་རྣམས་རབ་ཏུ་བདུད་པ་དང་། ཉོན་མོངས་པ་རྣམས་སུ་མི་ལྟུང་བའོ།། གཞན་ཡང་གསུམ་སྟེ། འདོད་པའི་ཁམས་ཀྱིས
iiif viewer powered by OpenSeadragon
