| e-texts navigator |
| Wylie |
96b1 གསུམ་པོ་དེ་དག་གོ།། གཞན་ཡང་གསུམ་སྟེ། ཚུལ་ཁྲིམས་ཡང་དག་པར་འཛིན་པ་དང་། ཚུལ་ཁྲིམས་འཆལ་པའི་སེམས་ཅན་ཡོངས་སུ་སྨིན་པར་བྱེད་པ་དང་། བྱང་ཆུབ་ཏུ་ཡོངས་སུ
96b2 སྔོ་བའོ།། གཞན་ཡང་གསུམ་སྟེ། ཁོང་ཁྲོ་མེད་པའི་སེམས་དང་། སེམས་ཅན་ཁྲོས་པ་ཞི་བར་བྱེད་པ་དང་། བྱང་ཆུབ་ཏུ་ཡོངས་སུ་སྔོ་བའོ།། གཞན་ཡང་གསུམ་སྟེ། བརྩོན་འགྲུས་མགོང
96b3 བ་དང་། སེམས་ཅན་ལེ་ལོ་ཅན་ཡོངས་སུ་སྨིན་པར་བྱེད་པ་དང་། བྱང་ཆུབ་ཏུ་ཡོངས་སུ་སྔོ་བའོ།། གཞན་ཡང་གསུམ་སྟེ། བསམ་གཏན་སྐྱེད་པ་དང་། བསམ་གཏན་དེ་ལ་ཆགས་པ་དང
96b4 བྱང་ཆུབ་ཏུ་ཡོངས་སུ་སྔོ་བའོ།། གཞན་ཡང་གསུམ་སྟེ། ཟོས་པ་ཡོངས་སུ་ཚོལ་བ་དང་། ཟོས་པ་ལ་སོ་སོར་རྟོག་པ་དང་། བྱང་ཆུབ་ཏུ་ཡོངས་སུ་སྔོ་བའོ།། གཞན་ཡང་གསུམ་སྟེ། སེམས་ཅན
96b5 ལ་དམིགས་པའི་བྱམས་པ་དང་། ཆོས་ལ་དམིགས་པའི་བྱམས་པ་དང་། དམིགས་པ་མེད་པའི་བྱམས་པའོ།། གཞན་ཡང་གསུམ་སྟེ། རང་གིས་བྱེད་པའི་སྙིང་རྗེ་དང་། གཞན་བྱེད་དུ་འཇུག་པའི་སྙིང་རྗེ
96b6 དང་མཐའ་གཉིས་བསལ་བའི་སྙིང་རྗེ་ཆེན་པོའོ།། གཞན་ཡང་གསུམ་སྟེ། བདག་ཕན་པའི་ཤེས་པ་ཡོངས་སུ་ཚོལ་བ་དང་། གཞན་ལ་ཕན་པའི་ཕྱིར་ཤེས་པ་ཡོངས་སུ་ཚོལ་བ་དང་། གཉི་གའི
96b7 དོན་ཡོངས་སུ་རྫོགས་པར་བྱེ་བའི་ཕྱིར་བརྩོན་འགྲུས་རྩོམ་པའོ།། གཞན་ཡང་གསུམ་སྟེ། འདས་པ་ལ་ཟད་པར་ཤེས་པ་དང་། མ་འོངས་པ་ལ་མ་ཕྱིན་པར་ཤེས་པ་དང་། ད་ལྟར་བྱུང་བ་ལ་ཆོས
iiif viewer powered by OpenSeadragon
