| e-texts navigator |
| Wylie |
88a1 ཐམས་ཅད་ཀྱི་ཁུར་ཁྱེར་བའོ།། གཞན་ཡང་ཆོས་གཅིག་སྟེ། ཕ་རོལ་ཏུ་ཕྱིན་པ་རྣམས་ལ་སྦྱོར་བ་ཡོངས་སུ་ཚོལ་བའོ།། གཞན་ཡང་ཆོས་གཅིག་སྟེ། བྱང་ཆུབ་ཀྱི་ལམ
88a2 གྱི་ཚོགས་སོགས་པའི་བརྩོན་འགྲུས་སོ།། གཞན་ཡང་ཆོས་གཅིག་སྟེ། དད་པའི་རྩ་བ་བརྟན་ཞིང་མི་གཡོ་བའོ།། གཞན་ཡང་ཆོས་གཅིག་སྟེ། ཡུལ་འཁོར་གྱི་བསོད་སྙོམས་དོན་ཡོད
88a3 པར་ཡོངས་སུ་སྤྱོད་པའོ།། གཞན་ཡང་ཆོས་གཅིག་སྟེ། ནོར་བདུན་ཡང་དག་པར་འདུ་བས་དབུལ་བ་མེད་པའོ།། གཞན་ཡང་ཆོས་གཅིག་སྟེ། སྙིང་པོ་བླངས་པའི་སྲོག་གི་དབང་པོའོ།།
88a4 གཞན་ཡང་ཆོས་གཅིག་སྟེ། ཐབས་ལ་མཁས་པས་སེམས་ཅན་ཡོངས་སུ་སྨིན་པར་བྱེད་པའོ།། གཞན་ཡང་ཆོས་གཅིག་སྟེ། ཆོས་ཀྱི་མཆོད་སྦྱིན་པའི་བསྡུ་བའི་དངོས་པོའོ།། གཞན
88a5 ཡང་ཆོས་གཅིག་སྟེ། རྩོད་པ་མེད་པ་ལྷུར་ལེན་པའི་ཆོས་ཀྱི་གཏམ་མོ།། གཞན་ཡང་ཆོས་གཅིག་སྟེ། ཀླན་ཀ་མི་ཚོལ་བའི་སེམས་ཀྱིས་ཆོས་ཉན་པའོ།། གཞན་ཡང་ཆོས་གཅིག་སྟེ།
88a6 དགེ་སྦྱོང་གི་དྲི་མ་དང་བྲལ་བའི་དགེ་སྦྱོང་ཉིད་དོ།། གཞན་ཡང་ཆོས་གཅིག་སྟེ། འདྲེ་བ་མེད་པར་གྲོང་དང་། གྲོང་ཁྱེར་དང་། གྲོང་རྡལ་དུ་འཇུག་པའོ།། གཞན་ཡང་ཆོས་གཅིག་སྟེ། རང་གི་འཁྲུལ།
88a7 པ་ལས་སོ་སོར་རྟོག་པས། སེམས་ཅན་ཐམས་ཅད་ཀུན་ཏུ་སྲུང་བའོ།། གཞན་ཡང་ཆོས་གཅིག་སྟེ། འཇིག་རྟེན་གྱི་སྣ་ཚོགས་ལ་བཏང་སྙོམས་སུ་བྱེད་པའོ།། གཞན་ཡང་ཆོས་གཅིག་སྟེ། དགེ་བའི
iiif viewer powered by OpenSeadragon
