| e-texts navigator |
| Wylie |
86b1 གཞན་ཡང་ཆོས་གཅིག་སྟེ། མི་ཤེས་པ་རྣམས་ལ་ང་རྒྱལ་མེད་པའོ།། གཞན་ཡང་ཆོས་གཅིག་སྟེ། ཤེས་པ་རྣམས་ཀྱིས་རྗེས་སུ་སློབ་པའོ།། གཞན་ཡང་ཆོས་གཅིག་སྟེ། དགེ་བའི་རྩ་བ་ལ།
86b2 ལྷག་པའི་བསམ་པའི་སེམས་མི་མདོར་བའོ།། གཞན་ཡང་ཆོས་གཅིག་སྟེ། མི་དགེ་བའི་སེམས་ཀྱི་རྗེས་སུ་མི་འཇུག་པའོ།། གཞན་ཡང་ཆོས་གཅིག་སྟེ། ཚུལ་འཆོས་པ་མེད་ཅིང་ཁ་གསག།
86b3 མེད་པས་སྡོམ་པ་གསུམ་ཡོངས་སུ་དག་པའོ།། གཞན་ཡང་ཆོས་གཅིག་སྟེ། ཆོས་སྨྲ་བ་རྣམས་ལ་སྟོན་པ་དང་བླ་མ་ལྟར་འཕངས་པར་རིམ་གྲོ་བྱེད་པའོ།། གཞན་ཡང་ཆོས་གཅིག་སྟེ། འཇིག
86b4 རྟེན་རྒྱང་བེན་པ་དང་མ་འདྲེས་པ་ལེགས་པར་ཐོས་པའི་ཆོས་ཉན་པའོ།། གཞན་ཡང་ཆོས་གཅིག་སྟེ། དགེ་བའི་རྩ་བ་ཡོངས་སུ་སྦྱང་བ་ཡོངས་སུ་དག་ནས། འཁོར་བ་ན་ཡོངས་སུ་མི་སྐྱོ་བའོ།། གཞན་ཡང
86b5 ཆོས་གཅིག་སྟེ། དེ་བཞིན་གཤེགས་པ་བཞུགས་པ་རྣམས་སམ། ཡོངས་སུ་མྱ་ངན་ལས་འདས་པ་རྣམས་ལ་མཆོད་པ་བྱེད་པས་མི་ངོམས་པའོ།། གཞན་ཡང་ཆོས་གཅིག་སྟེ། སེམས་ཅན་ཐམས་ཅད
86b6 ཀྱིས་གསོལ་བ་མ་བཏབ་པར་བཤེས་གཉེན་བྱའོ།། གཞན་ཡང་ཆོས་གཅིག་སྟེ། དངོས་པོ་ཐམས་ཅད་ལ་མི་གནས་ཤིང་། ཡོངས་སུ་མི་འཛིན་མི་ཆགས་པའོ།། གཞན་ཡང་ཆོས་གཅིག་སྟེ། ཁྱིམ
86b7 ན་གནས་པའི་སྐྱོན་རིགས་ནས་རྟག་པར་རྒྱུན་ཏུ་རབ་འབྱུང་བ་ལ་གཞོལ་བའོ།། གཞན་ཡང་ཆོས་གཅིག་སྟེ། སྐྱེས་བུ་དམ་པའི་ལས་རྣམས་ལ་ཞུགས་པའོ།། གཞན་ཡང་ཆོས་གཅིག་སྟེ། ངེས་པར
iiif viewer powered by OpenSeadragon
