| e-texts navigator |
| Wylie |
86a1 མོས་པ་དྲག་པའོ།། གཞན་ཡང་ཆོས་གཅིག་སྟེ། སེམས་ཅན་བམ་ཅད་རབ་ཏུ་ཐར་པར་བྱ་བ་ལ་མཆོག་ཏུ་དགའ་བའོ།། གཞན་ཡང་ཆོས་གཅིག་སྟེ། ཆོས་ཟབ་མོ་ལས
86a2 ངེས་པར་འབྱུང་བའི་དམ་པའི་ཆོས་ཡོངས་སུ་ཚོལ་བའོ།། གཞན་ཡང་ཆོས་གཅིག་སྟེ། ཟང་ཟིང་མེད་པའི་སེམས་ཀྱིས་ཆོས་སྦྱིན་པའོ།། གཞན་ཡང་ཆོས་གཅིག་སྟེ། ཆོས་མཉན་པའི་ཕྱིར
86a3 ལྤགས་པ་རྣམས་ལ་ནད་པར་འདུ་ཤེས་པའོ།། གཞན་ཡང་ཆོས་གཅིག་སྟེ། ཆོས་ལ་སྨན་འདུ་འདུ་ཤེས་པའོ།། གཞན་ཡང་ཆོས་གཅིག་སྟེ། བདག་ལ་སྨན་པར་འདུ་ཤེས་པའོ།། གཞན་ཡང་།
86a4 ཆོས་གཅིག་སྟེ། དམ་པའི་ཆོས་ཡུན་རིང་དུ་གནས་པར་བྱ་བའི་ཕྱིར་ཀུན་ཏུ་སྲུང་བའོ།། གཞན་ཡང་ཆོས་གཅིག་སྟེ། དཀོན་མཆོག་གསུམ་གྱི་རིགས་མི་གཅོད་པའོ།། གཞན་ཡང་ཆོས་གཅིག་སྟེ
86a5 མརྐམ་ཞིང་ངན་ངོན་གྱིས་ཆོག་ཤེས་པའོ།། གཞན་ཡང་ཆོས་གཅིག་སྟེ། བདོག་པ་ཐམས་ཅད་ཡོངས་སུ་གཏོང་བ་ལ་ཞུམ་པ་མེད་པའོ།། གཞན་ཡང་ཆོས་གཅིག་སྟེ། རང་གི་ཚུལ་ཁྲིམས་ཀྱིས
86a6 ཚུལ་ཁྲིམས་འཆལ་བའི་སེམས་ཅན་ཡོངས་སུ་སྨིན་པར་བྱེད་པའོ།། གཞན་ཡང་ཆོས་གཅིག་སྟེ། ཉེས་པར་བྱས་པ་ལ་ཤར་མི་གཉེར་བའི་བཟོད་པའོ།། གཞན་ཡང་ཆོས་གཅིག་སྟེ། ལེགས
86a7 པར་བྱས་པ་ལ་ལན་གླན་པའི་བློའོ།། གཞན་ཡང་ཆོས་གཅིག་སྟེ། བྱས་པ་མི་གཟོ་བ་རྣམས་ལ་སྙིང་རྗེ་བའི་བློའོ།། གཞན་ཡང་ཆོས་གཅིག་སྟེ། བྱས་པ་གཟོ་བ་རྣམས་ལ་རིམ་གྲོ་བྱ་བའི་བློའོ།།
iiif viewer powered by OpenSeadragon
