| e-texts navigator |
| Wylie |
85b1 ཆེན་པོ་སྡུད་པར་འགྱུར་བའི་ཆོས་གཅིག་གོ།། བློ་གྲོས་རྒྱ་མཚོ་གཞན་ཡང་ཐེག་པ་ཆེན་པོ་སྡུད་པར་འགྱུར་བའི་ཆོས་གཅིག་སྟེ། ཆོས་གཅིག་པོ་གང་ཞེ་ན། འདི་ལྟ་སྟེ། བྱ་བར་འཇུག་པ་ལ་ཞུགས
85b2 ཤིང་རྣམ་པར་སྨིན་པ་ལ་ཡིད་ཆེས་པའོ།། གཞན་ཡང་ཆོས་གཅིག་སྟེ། འདི་ལྟ་སྟེ། རྟེན་པའི་ཆོས་དང་མི་འགལ་བར་ཡང་དག་པའི་ལྟ་བའོ།། གཞན་ཡང་ཆོས་གཅིག་སྟེ། སྡུག་པ་དང་མི་སྡུག་པ
85b3 བསལ་ཏེ། སེམས་ཅན་ཐམས་ཅད་ལ་སེམས་མཉམ་པ་ཉིད་དོ།། གཞན་ཡང་ཆོས་གཅིག་སྟེ། ཐམས་ཅད་བསྐྱབ་པ་དང་ལྡན་པའི་བྱམས་པ་ཆེན་པོའོ།། གཞན་ཡང་ཆོས་གཅིག་སྟེ། བདག
85b4 བདེ་བ་ལ་མི་ཆགས་པའི་སྙིང་རྗེ་ཆེན་པོའོ།། གཞན་ཡང་ཆོས་གཅིག་སྟེ། སངས་རྒྱས་ཀྱི་སྐུ་འདོད་པའི་སངས་རྒྱས་རྗེས་སུ་དྲན་པའོ།། གཞན་ཡང་ཆོས་གཅིག་སྟེ། ཆོས་སྒྲུབ་པ་སྙིང་པོར
85b5 བྱེད་པའི་ཆོས་རྗེས་སུ་དྲན་པའོ།། གཞན་ཡང་ཆོས་གཅིག་སྟེ། ཕྱིར་མི་ལྡོག་པའི་དགེ་འདུན་དང་ལྡན་པའི་དགེ་འདུན་རྗེས་སུ་དྲན་པའོ།། གཞན་ཡང་ཆོས་གཅིག་སྟེ། ཉོན་མོངས་པ་ཐམས
85b6 ཅད་གསལ་བའི་གཏོང་བ་རྗེས་སུ་དྲན་པའོ།། གཞན་ཡང་ཆོས་གཅིག་སྟེ། བྱང་ཆུབ་ཀྱི་སེམས་མ་བརྗེད་པའི་ཚུལ་ཁྲིམས་རྗེས་སུ་དྲན་པའོ།། གཞན་ཡང་ཆོས་གཅིག་སྟེ། རྣམ་པར་དག་པའི།།
85b7 ཆོས་དང་ལྡན་པའི་ལྷ་རྗེས་སུ་དྲན་པའོ།། གཞན་ཡང་ཆོས་གཅིག་སྟེ། ཕན་པ་དང་། བདེ་བ་དང་ལྡན་པའི་ཕན་པར་འདོད་པའོ།། གཞན་ཡང་ཆོས་གཅིག་སྟེ། བསམ་པ་བརྟན་པར་གྱུར་ཅིང
iiif viewer powered by OpenSeadragon
