| e-texts navigator |
| Wylie |
82b1 སེམས་དཔའ་སེང་གེའི་རྟོག་གིས་གསོལ་པ། བཅོམ་ལྡན་འདས་འཇིག་རྟེན་འདི་ནི། འདི་ལྟ་སྟེ། ཆོས་ཐམས་ཅད་མ་སྐྱེས་པ་དང་། མ་བྱུང་བ་ལ་སྐྲག་པའོ།། བཅོམ་ལྡན་འདས་བདག་གིས་ནི།
82b2 ཆོས་ཐམས་ཅད་མ་སྐྱེས་པ་དང་། མ་བྱུང་བར་འཚལ་ནས། སྐྲག་པ་མ་མཆིས། ཀུན་ཏུ་སྐྲག་པ་མ་མཆིས་ཤིང་། ཆོས་གང་ལ་ཡང་ཉེ་བ་འམ། རིང་བར་མི་གནས་པར། བཅོམ་ལྡན་འདས་ཀྱི
82b3 དམ་པའི་ཆོས་ཡོངས་སུ་གཟུང་བར་བགྱིའོ།། བྱང་ཆུབ་སེམས་དཔའ་བྱམས་པས་གསོལ་པ། བཅོམ་ལྡན་འདས་བྱང་ཆུབ་ལ་རིང་བའི་འདུ་ཤེས་ཅན་གྱིས་དམ་པའི་ཆོས་ཡོངས་སུ་གཟུང་བར་མི
82b4 ནུས་ཏེ་བཅོམ་ལྡན་འདས་བྱང་ཆུབ་སེམས་དཔའ་གང་འདི་སྙམ་དུ་བདག་གིས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཐོབ་ནས། བྱང་ཆུབ་ལུས་དྲང་སེམས་དང་ལྡན་པ་ཡང་མ་ཡིན། མི་ལྡན
82b5 པ་ཡང་མ་ཡིན་པར་མཐོང་ངོ་སྙམ་པ་ངེས། དེ་བཞིན་གཤེགས་པའི་དམ་པའི་ཆོས་ཡོངས་སུ་གཟུང་བར་བགྱིའོ།། བྱང་ཆུབ་སེམས་དཔའ་ཡོན་ཏན་གྱི་རྒྱལ་པོ་སྣང་བས་གསོལ་པ། བཅོམ་ལྡན་འདས
82b6 ཡོན་ཏན་ལ་མི་གནས་ཤིང་། ཡོན་ཏན་དང་བྲལ་ལ། དེ་བཞིན་གཤེགས་པའི་ཡོན་ཏན་དོན་དུ་མི་གཉེར་བས་དམ་པའི་ཆོས་ཡོངས་སུ་གཟུང་བར་མི་ནུས་ཏེ། བཅོམ་ལྡན་འདས་བདག་གིས་ཡོན་ཏན
82b7 ཐམས་ཅད་དང་མ་བྲལ་ཞིང་། བྱང་ཆུབ་སེམས་དཔའི་ཡོན་ཏན་ཡང་དག་པ་ལ་གནས་ཏེ། དེ་བཞིན་གཤེགས་པའི་ཡོན་ཏན་ཡོངས་སུ་བཙལ་བ་ལ་མངོན་པར་བརྩོན་པས། བཅོམ་ལྡན་འདས
iiif viewer powered by OpenSeadragon
