| e-texts navigator |
| Wylie |
82a1 ཡེ་ཤེས་ལ་མཁས་ཤིང་། ཆོས་ཀྱི་སྣང་བ་དང་ལྡན་པས་དམ་པའི་ཆོས་ཡོངས་སུ་གཟུང་བར་བགྱིའོ།། བྱང་ཆུབ་སེམས་དཔའ་ཞེ་འགྲུས་པ་མེད་པའི་བློ་གྲོས་ཀྱིས་གསོལ་པ།
82a2 བཅོམ་ལྡན་འདས་ཞེ་འགྲས་པའི་སེམས་དང་། སེམས་ཅན་རྗེས་སུ་མི་སྲུང་བའི་བློས་དམ་པའི་ཆོས་ཡོངས་སུ་གཟུང་བར་མི་ནུས་ཏེ། བཅོས་ལྡན་འདས་བདག་གིས་ཞེ་འགྲས་པ་མེད་པའི་སེམས་དང་།
82a3 སེམས་ཅན་རྗེས་སུ་སྲུང་བ་ལ་གནས་ལ། དམ་པའི་ཆོས་ཡོངས་སུ་གཟུང་བར་བགྱིའོ།། བྱང་ཆུབ་སེམས་དཔའ་སྤྱོད་པ་རྣམ་དག་བློ་གྲོས་ཀྱིས་གསོལ་པ། བཅོམ་ལྡན་འདས་སེམས་ཅན་གྱི་དབང་པོ
82a4 ལ་མི་མཁས་ཤིང་། སེམས་ཅན་གྱི་སྤྱོད་པའི་ཆོ་ག་མ་འཚལ་བས། དམ་པའི་ཆོས་ཡོངས་སུ་གཟུང་བར་མི་ནུས་ཏེ།། བཅོམ་ལྡན་འདས་བདག་གིས་སེམས་ཅན་གྱི་དབང་པོ་དང་། སྤྱོད་པ་ཤེས་པ་ལ
82a5 ཞུགས་ལ་དམ་པའི་ཆོས་ཡོངས་སུ་གཟུང་བར་བགྱིའོ།། བྱང་ཆུབ་སེམས་དཔའ་བཀོད་པའི་རྒྱལ་པོས་གསོལ་པ། བཅོམ་ལྡན་འདས་ཆོས་ལ་ཡོངས་སུ་རྟོག་པའི་འདུ་ཤེས་དང་ལྡན་པས།
82a6 བདག་དང་། སེམས་ཅན་དང་། ཆོས་ལ་གནས་པས་དམ་པའི་ཆོས་ཡོངས་སུ་གཟུང་བར་མི་ནུས་ཏེ། བཅོམ་ལྡན་འདས་བདག་གིས་རྟོག་པ་དང་། རྣམ་པར་རྟོག་པ་དང་། ཡོངས་སུ་རྟོག་པ་ཐམས
82a7 ཅད་དང་བྲལ་ཞིང་། འཁོར་གསུམ་ཡོངས་སུ་དག་ལ། བདག་དང་། སེམས་ཅན་དང་། ཆོས་ལ་མི་གནས་པར་བགྱིད་ཅིང་། བཅོམ་ལྡན་འདས་ཀྱི་དམ་པའི་ཆོས་ཡོངས་སུ་གཟུང་བར་བགྱིའོ།། བྱང་ཆུབ
iiif viewer powered by OpenSeadragon
